الحكومة ترفع اسعار بطاقات الشحن الى نسبة 100%

**Raed Saadeh** · 12-07-2013 11:49 PM

السلام عليكم ,,

رمضان كريم ,,

يا اخوان ,, انا بعرف رمضان شهر الخير والبركة ,,
بس عند حكومتنا رمضان غير ,,

عند الحكومة الاردنية رمضان = رفع اسعار = نهب جيوب المواطنين = نهب جميع الناس

الحكومة الخميس بالامس اصدرت قرار واعتمدوه بزيادة ورفع نسبة ضريبة بطاقات شحن الهاتف الخلوي من 12% الى 24% يعني الضعف .

يعني بالاول وبالاخر شركات الاتصالات نفسها متضررة من القرار وفي حملة مقاطعة اسبوع كامل لعدم شراء بطاقات شحن وهذه راح تاثر عالشركات برضه ,,

حكومة فاشلة ومن قرار فاشل الى افشل ,,

اسعار البطاقات الخلويه بعد تعديل اسعار و مضاعفة ضريبتها :

فئة الدينار = 1.60 قرش
فئة ثلاث دنانير = 4.75 قرش
فئة الخمسة دنانير = 7.40 قرش

حكومة فاشلة ونازلة من عيني ومالها اي داعي تبقى بنفس مركزها الحالي . لازم يطلعوا باشي مفيد مش يستهدفوا المواطنين في مليار اشي ممكن يعملوه غير رفع الاسعار وخصوصا الكهربا والهواتف والشغلات الاساسية اللي لما يرفعوها برتفع وراها سعر كثير اشياء .

رائد سعادة

**h.abu ali** · 13-07-2013 12:50 AM

سياسة الرفع والدفع
الله يعين المواطن شو بده يتحمل تا يتحمل ...!!!
يا ريت يتخذوا قرار زي العالم والناس مرة بحياتهم برفع رواتب الموظفين سواء حكومة أو قطاع خاص ... وبالطبع هذا أخر شيء بفكروا فيه ... إذا فكروا فيه بالأصل

**محمد الصمادي** · 13-07-2013 03:22 AM

الحكومة رفعت الضريبة على البطاقات يعني مازال المواطن يسدد فاتورة العجز من جيبه
وعلى المواطن ان يقاطع بلا من التلفونات كل شي ترفعه الحكومة على المواطن مقاطعته
ملايين الدنانير تجنيها حيتان شركات الاتصالات من الاجهزة الخلوية ورفع الضريبة على البطاقات قرار سلبي مدمر لجيب المواطن

**satsat56** · 13-07-2013 03:34 AM

لاحول ولاقوة الى بالله شو الواحد بدو يحكي اكثر من هيك

**Raed Saadeh** · 13-07-2013 03:48 AM

مهو يا شباب مين الهم هالحمير غير المواطن الطيب الغلبان ؟!!

لولا الشعب طيب ولا كان زمانهم طاروا كلهم الهمل تبعون رفع الاسعار والضرائب ,,

عبدالله النسور شخص منافق ومصلحجي وما اله لا عالساسة ولا على الاقتصاد وما همه غير جيبته ولازم يحل عن الكرسي للي هو عليه لانه قاعد بيزيد عجز الموازنة وقاعد بيخرب بالبلد هو وجماعته وهذا شخص مش محترم وكان معارض وفجاة صار بده يحل مشاكل البلد لا يحل هو من البلد وخلي البلد بحالها

بطاقة الـ 3 بتشتريها بـ 4 وربع بس عشان تشحنلك رصيد بـ 3 دنانير ؟؟ يعني دينار وربع ضريبة وارباح لشركة الاتصالات والحكومة ؟؟ بطاقة الـ 5 راح اصير اشتريها بـ 7 و 40 قرش بس عشان اشحن 5 اشتراك شهري ؟؟ من متى هاي ؟!؟

كمان شوي بطلعوا قرار رفع ضرائب الانترنت او بتشوف النسور عالتلفزيون هذا اذا عنده رجولة يطلع ويقول الانترنت راح نفصله لاجل غير مسمى

هذا بلد بده ناس محترمة ما بده ناس زي النسور والباقي عندكم