إستفسار استفسار حول برنامج idm

[هلال]

السلام عليكمالسلام عليكم
يعطيكو العافية جميعا

سؤال بخصوص برنامج Internet Download Manager

هل من الممكن استكمال تحميل ملف على جهاز كمبيوتر اخر

مثال للتوضيح
يعني ملف حجمه 6 جيجاعلى رابط واحد فقط
حملته على جهاز الحاسوب 1
وبعد ما حمل 2 جيجا
اردت تحميل باقي الملف 4 جيجا على جهاز حاسوب 2
هل ممكن ذلك ؟؟

اشكركم مقدما على حسن تعاونكم

تحياتي
بخدمتكم يا نشامى

توقيع : عبدالله(الاردن)

بخدمتكم يا نشامى

[Raed Saadeh]

ممكن اكيد , الرابط لوداعم للاستكمال بكل الحالات اكيد ممكن .
بس بدها وجع راس شوي بتغلب..
المصيبة النت مو جاي حاليا بالبيت ولا كان شرحتلك اياها فيديو
على علىعموم اول ما اشبك من البيت بصورلك شرح ..

[هلال]

عطوفة شكرا الك
انتظر ردك بفارغ الصبر
تحياتي
بخدمتكم يا نشامىبخدمتكم يا نشامى

[Raed Saadeh]

اخوي اسف اني اتاخرت عليك..
بس للاسف النت فاصل بالبيت ومو قادر البي اي طلب او موضوع بالمنتدى ..
وهيني بدي احاول اساعدك قدر الامكان بدون شرح ..

المهم .. اول اشي .. انت موقف التحميل بالجهاز الاول توقيف مؤقت صحيح ؟.
الرابط داعم للاستكمال ..

بتروح على البرنامج من عند الساعة دبل كليك ..
بيظهر لك شاشة البرنامج الرئيسية .. بتضغط على التحميلات من فوق , او Downloads بالانجليزي اسمها ..
بتلاقي لوحة فيها خيارات واسماء اختار منها " الخيارات " او بالانجليزي " Options " راح يجيك مربع خيارات البرنامج كلها ..
من بين الخيارات والتبويبات فوق بتلاقي تبويب اسمو " حفظ إلى " او بالانجليزي " Save to " اضغط عليه .

انزل لتحت من الشاشة اللي قدامك في خيار اسمو :
" المجلد المؤقت " او بالانجليزي " temporary folder "
بتلاقي تحته مسار ..
خدو كوبي ..
وروح على ستارت بعدين رن Run وحط المسار هناك واضغط انتر من الكببورد .
راح يفتح لك مجلد بالجهاز عندك . اسمو IDM

في عدة مجلدات قدامك بتظهر ادخل على DwnlData راح تلاقي التحميلات الموقفة مؤقتا .. عبارة عن مجلدات وليست ملفات .
وهاد المطلووووووب ..

هلأ بتنسخ المجلد اللي بكون اسمو خاص بالملف اللي انت بتحمل فيه بحجم 8 جيجا , انسخ المجلد كلو على فلاشة ..
روح عالجهاز الجديد
نزل الـ Internet Download Manager نفس الاصدار من الجهاز القديم على الجديد .
وبعد ما تنزله ادخل نفس الخطوات الفوق وادخل على مجلد IDM ممكن ما تلاقي مجلد DwnlData وممكن تلاقيه , لو لقيته كون تمام لو ما لاقيته انشئه انت يدوي وسميه DwnlData وادخل عليه دبل كليك وانسخ من الفلاشة المجلد لخاص بالملف اللي نسخته قبل . من الجهاز القديم .
ومع العلم البرنامج بيكون مغلق من جانب الساعة ولما تفتحه بامكانك بعدها استكمال التحميل من الجهاز الجديد .


اجمل تحية
اخوك رائد سعادة .

ملاحظة :
الطريقة هاي للبرنامج الكامل , وليس المحمول , الطريقة من ابتكاري ولن اسامح اي شخص يقوم بنقلها دون ذكر المصدر (رائد سعادة - منتديات الاردن اولا) .

[هلال]

عطوفة المهندس
اسف على التاخير بالرد لاني كنت بحاول اجرب طريقتك اللى حكيتها اكثر من مره ولكن لللاسف
لم ينفع معي مع العلم انه طبقت طريقتك بالحرف الواحد
فأرجو من حضرتك يا مهندس عمل فيديو يوضح هذه الطريقة بشكل افضل

وانا اسف لانى غلبتك معي
واشكرك على حسن تعاونك وتعاون الجميع معي

تحياتي تحياتي
بخدمتكم يا نشامى

[Raed Saadeh]

عطوفة المهندس
اسف على التاخير بالرد لاني كنت بحاول اجرب طريقتك اللى حكيتها اكثر من مره ولكن لللاسف
لم ينفع معي مع العلم انه طبقت طريقتك بالحرف الواحد
فأرجو من حضرتك يا مهندس عمل فيديو يوضح هذه الطريقة بشكل افضل

وانا اسف لانى غلبتك معي
واشكرك على حسن تعاونك وتعاون الجميع معي

تحياتي تحياتي
بخدمتكم يا نشامى

مشكور على المتابعة معي ..
ولكن هناك مشكلة ..
لفيديو كيف بدي اعملو , ما بقدر اعملك فيديو غير على جهازي , يعني جهاز واحد فقط .. مش عارف كيف بدي اطبق بس بحاول افكر لك بحل .. بحاول اروح على محل نت وبعملك شرح هناك على اول جهاز وبعدين بغير الجهاز اللي بقعد عليه وبكمل الشرح ..
ادعيلي وان شاء الله اقدر اخدمك

[هلال]

اشكرك يا مهندس
على الرد والمتابعة

وان شاء الله تقدر تساعدني لاني حاط املي فيك وانا متأكد انك قدها وقدود يا نشمي

انتظر الرد بفارغ الصبر

واشكرك على حسن تعاونك سلفا

تحياتي

بخدمتكم يا نشاميبخدمتكم يا نشامي