هذاك الوقت لاتزعل

**محمد الصمادي** · 29-11-2010 05:19 PM

هذاك الوقت لاتزعل ! إذا قلت العفو مااقدرْ !
. . . إذا جيتي على مهرة , جروح الشوق ترجيني

إلى صرتي قمر ثاني على ثغر الهوى يسهرْ
. . . تمدّ الحُب لـ عيوني , تبي حلمٍ عبث فيني

يفوح بداخلك عشقٍ , وخيلْ وفارس وخنجرْ
. . . تدوس حدود تفكيري وتسكنّي وتلغيني

توقّع لهفتي تنمى , توقّع رغبتي تكبرْ
. . . تظنّ إني بجيك ألهث , عسى بالشوق ترويني ؟

حبيبي كان لك خاطر , تفضّل قول أو عبّرْ
. . . أبسمع خطبتك شاعر , بذاك السيف تغريني

تفضّل علِّم عيوني على عشق الخيال أكثرْ
. . . تفضّل عِش معي لحظة جنون , ولا تصحيني

تفضّل بدِّل تراب العقول بثورة المرمرْ
. . .أبسكن عالمك صبح الغرور , ولا تمسّيني

تعال وطهّر عروق الشعور برفةٍ أطهرْ
. . . أحبّك نبضي وأنفاسي , ولو هالحب مشقيني

وإذا كان الهوى غلطة ! فـ أنا باقول لك تُشكرْ
. . . تفضّل عذِّب أغصاني جفاف , ولا تراعيني

تفضّل جرِّد سيوفك على خيل الغضب , عنترْ
. . .تفضّل أشبِع أيامي هموم ولا تواسيني

تشابه في نظر عيني يباس العِشق والأخضرْ
. . .أنا بسمة ربيعك ! لو سحاب الشوق يسقيني

إذا ودّك فـ أنا عِندك تصرّف قد ماتِقدرْ !
. . .وإذا مالك نظر فارحل , وبرحل لـ آخر سنيني !!