فلسطيني ممنوع تعيش ...!!

**كاتبة الاوهام** · 31-05-2010 10:14 PM

فلسطيني !!

ممنوع تعيش ...

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مصلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية الي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***

فلسطيني ولا زم أعيش
لازم أعيش لحتي تعيش القضية
وأرجع الأسري للحرية
والقدس الأبية
فلسطين عربيه
و راح تبقي عربيه
و راح ترجع عربيه ...!!

منقوول .. !!

واعني ها هنااا كل فلسطيني منااضل على أرض القدس المحتلة ... !!

حسبي الله ونعم الوكيل ... !!

**raad** · 31-05-2010 10:19 PM

مشكوره كاتبة ع الموضوع الرائع

**ابو حاتم-** · 31-05-2010 10:19 PM

مشكوووووووووووووووووووووووورة

**كاتبة الاوهام** · 31-05-2010 10:32 PM

raad ....

ابو حااتم ....

شكرآ لمروركم هناااا ... !!

وهذا واجبناااا كأردنيين تجااه الشعب الفلسطيني الشقيق ... !!

**ناصر القيسي** · 31-05-2010 10:32 PM

فلسطيني ولا زم أعيش
لازم أعيش لحتي تعيش القضية
وأرجع الأسري للحرية
والقدس الأبية
فلسطين عربيه
و راح تبقي عربيه
و راح ترجع عربيه ...!!

مشكووووووووووووووووووووور على هذه الكلمات
الصادقة ......