الى من ارتقى سلم النذاله

**محمد الصمادي** · 26-05-2010 11:08 PM

رسالةالى من ارتقى سلم النذاله...

قلبك يغرّك وانت بالحب تحتال
وشلون شايل بين الاضلاع قلبك

مدام مالك بالهوى ( فيّ ) وظلال
مايختلف لو شفت سلمك وحربك

كنت احسبك تعطي على كل الاحوال
واثر العطا ما وافق بيوم دربك

عشتك ( ألم ) كلك متاهات وهبال
معنى العذاب وج*** الهم .. قربك

طبعك تجاوز للاسف طبع ( الانذال )
ليتك تحس بحرّ ( نارك ) وكربك

في داخلي يبني لك ( الكره ) تمثال
بين ( الحنايا ) لو تصورت .. يربك

خنت العهود وجيتني ( حيل ) تختال!!
الوجه شرق و ( نيتك ) يم غربك

غدرك معك في داخلك ( حي ) ما زال
ماهو غريب ان صار ( زادك ) وشربك

لا تحسبن جروح .. مثلك على البال
من صد ( جيشك ) قادر إيبيد ( سربك )

مات الشعور ولا بقى فيه ( مثقال )
تعبت اجامل .. وادفع ( اتعاب ) كذبك

خذها صريحة واصدق القول .. ينقال
هجرك دواك وزايد ( البُعد ) طبك

وش تنتظر بالله .. يا متعب الحال
إرحل ولملم .. مع بقاياك .. ذنبك

ماعاد قلبي ينظرك ( عزّ ) واجلال
لو ( مت ّ ) عنده ترتجي .. ما شعربك

فرصه عطيتك وانتهى وقت ( الامهال )
اعلنت فيها ( للملأ ) موت .. حبك

**raad** · 26-05-2010 11:23 PM

طرح جميل يا غالي مع انها قاسية شوي ..

**محمد الصمادي** · 26-05-2010 11:28 PM

المشاركة الأصلية كتبت بواسطة raad

طرح جميل يا غالي مع انها قاسية شوي ..

اشكرك اخي رعد على المرور...واعلم ان الانذال يستحقونها بجداره

**آحمےد آلوحےيدي,** · 27-05-2010 12:24 AM

**ALTAYEB** · 28-05-2010 06:18 PM

مشكور اخي الصمادي

الموضوع: الى من ارتقى سلم النذاله