نهفة اليوم بالكلية (الله سترها)

[Raed Saadeh]

مرحبا يا حلوين
كيف الحال؟

بما أني قبل نص ساعة لسه مروح من الكلية .. بعد ما بلشنا امتحانات تجريبية .. ( ادعولي اجيب اللي ببالي )
المهم كان اليوم اول امتحان وصارت معي نهفة خليني اقوللكم اياها..

هاد يا بني آدمين .. اليوم كان علي امتحان ثقافة عامة .. وتجريبي... والقاعات مرتبة وكل شي تمام..اليوم داومت ما رحت بالزي الرسمي .. رحت بالجينز..وطبعا هاد ممنوع .. بس كنا ببالنا مفكرين ما راح يدققو .. عشان توجيهي احنا وعشان امتحانات..اما عالصف الاول ثانوي بيدققوا كتير..

ف يا معلمين دخلنا عالقاعة.. قعدنا نص ساعة فراغ والنص ساعة التانية لسه بيجهزو في الاوراق كانوا.. رحت قلت لصاحبي يلا ننزل نفطر ونشرب شاي لبين ما يجهزو..وبنرجع خلال 20 دقيقة.قالي ماشي..
انزلنا على الساحة وبدنا نطلع برا المدرسة..طبعا لا معنا شناطي ولا شي..جاكيتات لابسين والقلم معنا وبس..
واحنا نازلين شافنا استاذ الفيزيا .. طبعا هو مشرف المبنى تبعنا اللي بنداوم فيه..
نادى علي انا وصاحبي.. << ومش حافظ اسمي هو .. نادى .. يا ولاا .. انت وياه تعالو هون..
رحنا

قرب علينا..جحر بصاحبي.. وجحر فية..ولا بيقولنا وين رايحين يا كلاب..
خليت حالي سوبرمان وقلتله.. هاد محمد بدو يفطر قلت اروح معه بنفطر وبنيجي عالسريع.. >> اللوم وديته لمحمد صاحبي ههه
المهم بيقولنا روحو عالصف واذا اجيت وما لقيتكم بتشوفو شي مو منيح.. المهم.. ما كان منتبه اني مش لابس الزي الرسمي.. رحنا سهيناه وطلعنا افطرنا ورجعنا زي الطلقة..طبعا الساعة كانت 8:40 والامتحان عال 9:00

بعد ما رجعنا قعدنا 5 دقايق ولا همي بوزعو ورق الامتحان..ويااا معلم..
طلع امتحان من الآخر..طويل اطول من يوم الجمعة واشي مش طبيعي..المهم 5 دقايق كنت ساف اول ورقتين..وضلت الاخيرة .. ضع دائرة كلها..
ولا فايت استاذ الفيزيا..بيفتش عاللي لابسين جينز..
وصل لعندي..شافني مش لابس زي.. قعد يمكن 15 دقيقة مبحلق فية..ومعصصصصب وما حكى ولا حرف..بس ضلو يتطلع..
انا ضحكت وخليت حالي مش شايفو لأنه وراي امتحان بدي اكملو..
ولا رجعت اتطلعت فيه .. ابتسم ابتسامة صغيرة يا دوب بينت..وبقولي... مسكر علامة الفيزيا .. وبتحضر الاضافي..واليوم لابسلي جينز..ورحت افطرت بعد ما قلتلك تروحش..واجيت تقدم امتحان بالجينز..وتلفونك معك..ولابسلي سيفتي..والطاقية بالصف لابسها..شوف كم مخالفة .. شو اعمل فيك ؟
قلتله .. استاذ اعمل قهوة واعزمني..

الطلاب فرطو ضحك بنص الامتحان.الاستاذ ضحك ولا بقولي..بتخفف دم كمان ؟ قلتله لا استاذ بس وراي امتحان وبحاول اكمله.. ولا هو بيقولي ارجعلي بعد الامتحان

خلصت الامتحان بدل ربع ساعة بساعة ..من وراه ..بس خلصته وضليت ساحب حالي وووووووووووووووووووووي عالدار.. الله يسترها بكرا ..


شو رايكم؟
اوريه وجهي بكرا ولا لأ؟ واذا اجا عالصف شو اعمل؟ اعزمو انا على كاسة قهوة ؟هو مدمن قهوة.. هع هع

تحياتي.. طولت عليكم مو ؟ بس وضعي مفرفش هلأ.. شو اعمللكم هه:d

[Raed Saadeh]

قهوه
..........................

ههه مشكورة على المرور يا طيبة

[Raed Saadeh]

اول شى عيب علية يقول لكم يا كلاب
هل هذة اخلاق مدرسين ومربى اجيال
اذا فتح فمة معك عاتبة ولومة وطلعة غلطان ولازم يعتذر لكم

والله يابا مهو هيك..
بس المشكلة مو هون.. هلأ المشكلة انا عصبي كتير واكيد انت بتعرفني اكتر شي.. يعني لو جادلته وشفته كثر حكي شوي ممكن اضربه ترا حاقد عليه انا من ورا الامتحان الشهري الاول .. ما سكرلي العلامة..
والمشكلة التانية مو هون..لأنه اكيد بكرا راح يشوفني.. الحكي بزبطو معو تخافش علي .. ولا توصي حريص يا كبيرنا.

أسعدني مرورك الجميل

[Raed Saadeh]

اعزمه على قهوة وشاي

واذا طول لسانه كفين عل ماشي

هههه
اولا مشكور على مرورك عالموضوع
ثانيا .. ترا مجنون وبعملها انا .. ههه عشان هيك بختصر دايما الناس.. بعصب بسرعة لأني

هههههههههههههه

مش بس على قهوة اعزمة كمان على الغدا احسن ايلك

ههه اعزمه ؟ لازم هو يعزمني هو الكبير ههه

[Raed Saadeh]

مشكورين جميعا على مروركم نورتوا والله
اسف عالغياب بس انشغلت شوي..
المهم اليوم بكتبلكم الجزء الثاني..التكملة .. ياااا حبيبي اشي كان بسقط القلب ههه

[Raed Saadeh]

ديربالك على دراستك اهم شي
وبعد ما اتخلص الامتحانات فرج يا غالي
المهم دراستك وان شاء الله فالك النجاح يا رب انت وكل طالب
بالتوفيق

تسلم يا كبيرنا
والله حبيبي يا طيب نورت الموضوع بالرد وشكرا على دعوة
وهينا شادين الحيل قد ما نقدر