ياللـي علينـا بالمحبـه تغليـت
يالله توكـل رافقتـك السـلامـه


لاتحسبني بتبعك كـان صديـت
مااتبعك دام الراس وسطه كرامـه


من صد جازيته بصده وصديـت
ومن يتبع المقفي يقـل احترامـه


وكانك نويت تذل هالراس اخطيت
والله لتبطي مانزل مـن مقامـه


انا ترى لاقفيت... ياهيه اقفيت
ماعاد ارجع لـو تقـوم القيامـه



انا بشموخي عن غرامك تعليـت
ولاخير في حبٍ يـذل بغرامه


انا اعترف اني بحبـك تماديـت
لكن امـوت ولاابيـع الكرامـه