أردكم أنتم وضع عنوان لأبياتي

**الفراشة الطيبة** · 25-12-2010 10:44 AM

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني بنيه طايشه وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة الطفله وانفذ ما تبي بسكات

واصلي الفجر في حاظر قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

**المارشال** · 25-12-2010 12:21 PM

عذرا سيدتي دمعتكم لا تحووي شيئا من الالم
فانت هكذا
دمووعكم تحووي خداعكم فلا امل
لصدق دمع امراه

**الفراشة الطيبة** · 25-12-2010 02:12 PM

دموع كاذبة التي تبكي أمها ؟؟؟!!!!!!!!!!!!
مارشال هل تعي ما تقول
هل تعي مودي ما تقول
هل قرأتم الموضوع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!! !

أنا أعلم أن الرد يكتب بعد قرائة الموضوع والتمعن بمعانيه
وعلى ما أعتقد بكاء الأم يكون صادق ومن القلب ولا يوجد به مرائاه أو كذب
فمن يقول غير ذلك فلا يوجد لديه أحساس بسيط بأمه

**ALTAYEB** · 25-12-2010 02:26 PM

سلمتي على الطرح وصدقتي ان بكاء الام لا يكذب نهائيا

**الفراشة الطيبة** · 25-12-2010 02:34 PM

الطيب
أنت لا تعي ما فعلت .....
لقد لأمت جرحا بعد خرقه القلب
مشكور على الكلمات القليله ولكنها صادقه
فجُرحتُ بهذه الصفحه ولأول مره يليتأم الجرح ويكون أيضا بنفس الصفحه