كل عام وأنتم بخير , ممكن طلب

[أبو رأفت]

الإخوه الأفاضل , السلام عليكم ورحمة الله وبركاته , وكل عام وأنتم بخير

من حوالي اسبوع اللاب توب عندي بطل يشبك وايرليس , عملتله فورمات وظلت المشكله موجوده , أخذت الجهاز وجربته عند صديق , شبك بدون مشاكل , الرجاء ممن يعرف سبب عدم قبوله الشبك عندي يلحقني بالحل وأكون له من الشاكرين .

[محمد ابوزيد]

اخوي جرب اعمل ريست للراوتر وعرفه من جديد

[أبو رأفت]

والله يا أخي الكريم حاولت , لكن ما زبطت , أنا حاسس انه المشكله بالإعدادات , لما تفتح على خيار وايرليس , الظاهر انه واحد من الأولاد لاعب فيهن .

[محمد ابوزيد]

ياغالي انت بتحكي انك فرمتت الجهاز يعني الاعدادات المفروض انها سليمه

[أبو رأفت]

أخي أنا فرمتت اللاب توب , وما فرمتت الكمبيوتر , وبالمناسبه أنا عندي live box , ولما أفتح على اعدادات الوايرليس بيطلعلي خيارات channal , securety , وآخر وحده بيطلع فيها ثلاث خيارات wep , wap , non , ومش عارف شو بتكون الإعدادات الصحيحه .

[محمد ابوزيد]

يا غالي ازا المودم اللي عندك كبير ولونه ابيض تاع اورنج اعمله ريست والجهاز تاع الكمبيوتر اعمله ريستور لتاريخ يكون قبل ما تبدا عندك المشكله وان شاء الله بتروح المشكله

[أبو رأفت]

والله غلبتك معي تالي هالليل , بس ما بينفع لإنه وندوز xp مش وندوز 7 , حتى اني فتحت على الخيارات وعملت eras للمودم , ورجعته لحالة المصنع . ومع ذلك ما زبط

[محمد ابوزيد]

يا غالي ويندوز xp موجوده فيه خاصية ريستور موجوده اعمل لتاريخ قديم شوي يعني قبل ما تصير المشكله وبعدين لا غلبه ولا اشي

[محمد الصمادي]

اخي ابو رافت بخصوص اعدادات الوايرلس في جهاز اللاب توب سهلة جدا واليك الاعدادات الصحيحة للراوتر
live box
من هنا
http://www.jo1sat.com/showthread.php...803#post791803

[أبو رأفت]

وينك من زمان يا أبو أشرف , سلمت يا غالي وبارك الله فيك , كل شئ رجع تمام التمام , مشكور ما قصرت وبارك الله فيك .