تشغيل 4902 على الفلاشه او راوتر

**ward22** · 15-05-2012 02:34 PM

السلام علكيم:
هل يمكـــــن فتح قنوات الجزيره المشفره على رسيفر سترونج ـ عن طريق فلاشة زين او راوتر زين ؟؟؟؟؟؟؟؟؟؟؟؟؟؟؟؟؟؟

**ward22** · 15-05-2012 03:22 PM

وين الشبـــــــــــــــاب
؟؟؟؟

**عبدالله جلال** · 17-05-2012 04:49 AM

اخوي يا غالي .....انت حدد موقفك عشان انت تعرف شو بدك تشتغل يا فلاشة يا راوتر لانه كل قطعة طريقتها بتختلف

1-يا عزيزي بالنسبة للفلاشة ما بنفع تشبكها مباشر على الرسيفر و لازم تستعين بالكمبيوتر و توصيلهم بوصله كوم زي وصلة الدنجل عن طريق احدى برامج الشيرنغ الي بتدعم sssp او التوين بروتوكول .....بس عشان تفعل هاي الخاصية لازم تدخل على
المنيو=التكوين=أوبشين=سيريال مود=sssp
أو
المنيو=التكوين=أوبشين=سيريال مود=dongle1 "نفس خيار التوين بروتكول"

الملاحظة هون انو معلومات السيرفر بتدخلها عن طريق البرنامج على الكمبيوتر و مش على الرسيفر

2-اما بالنسبة للراوتر فعندك طريقتين يا اما عن طريق الوايرليس او عن طريق كيبل الايثرنت
*عن طريق الوايرليس بس بدك تجيب قطعة يو اس بي وايرليس بتتوافق مع الرسيفر و تحطها على احد المداخل اليو اس بي و تدخل ........والها اعدادات معينة بس للاسف ما جربتها و ما بقدر افيدك فيها

* اما عن طريق الايثرنت "بفضلها اذا توفرت لانها اسرع و اسهل" طريقة تفعيله موجودة على الرابط بالاسفل و مش بحاجة انك تفوت على المينيو او شيء ثاني ......بس دخل بيانات السيرفر
http://www.jo1sat.com/showthread.php?t=193684

و للعلم بتقدر تعدل على ملف بيانات السيرفر عن طريق الكمبيوتر بسحب البيانات على فلاشة و تعديل ملف التكست و ارجاعه و حتى انه بساعدك على حفظه اذا انحذف لاي سبب كان ...مع العلم كمان انه اذا اشتركت شيرنغ مع احد السيرفرات المدفوعة هو بعطيك الملف و ما عليك الا انك تدخله عن طريق الفلاشة

طريقة السحب بعد ما تحط الفلاشة بتكبس 8281 و بتكبس من الريموت على جروب ...و هيك صار الملف على الفلاشة
طريقة التعديل بتعمل للملف فتح باستخدام النوت و بتصير تقدر تعدل زي ما بدك
طريقة الارجاع بتحطه بالفلاشة
منيو=ستورج=نقل معلومات=و بتضغط اوك على الملف بحمل لحاله

طيب اذا رسيفرك لما تكبس 8281 ما بعطيك اشي بكون عليه السوفت الاصلي الي ما بفك تشفير بدك تنزل السوفتوير المعدل "الاصلي" الي بعطيك خيارات فك التشفير و على الرابط بالاسفل آخر اصدار
http://www.jo1sat.com/showthread.php?t=194061
طريقة تنزيل السوفت....منيو=ستورج=نقل معلومات=و بتضغط اوك على الملف بحمل لحاله...بعدها بتعمله ضبط مصنع بالطريقة التالية (منيو=تركيب الجهاز=العودة لبرمجة المصنع=بتدخل الرقم السري"اذا مش معدل بكون0000"=آخر خيار التوليف عند التصنيع)...بعدها لحاله بعمل ريستارت و بتعمل بحث للقنوات....و يعطيك العافية

و اي خدامة او استفسارات انا جاهز