يانـاقـش الحـنـا عـلـى صفـحـة الـيـد

[محمد الصمادي]

يانـاقـش الحـنـا عـلـى صفـحـة الـيـد
حـبـك نقشـتـه فـــي حـنـايـا فـــؤادي


عـلـي قـفـا يمـنـاك حـانــى ومـســود
وانـا علـى عيـنـي ســواة الـسـوادي


ويفـوح مـن ردنــك كماالـعـود والـنـد
والا شـــذا ورد عـلــى جــــال وادي


قـض الشعـر خلـه علـى المتـن يمـتـد
حــتــى يـقـيـدنـي ويـحـكــم قــيــادي


تمـزح وتلعـب بـي وهمـي علـى جــد
مـثـل الـزمـان الـلـي يــدور عـنــادي


من كثر لعبك مااعرف الوصل والصد
ولا اعـرف ان الوعـد وعـد وكــادي


تحكـم بلـد ماتاخـذ الـشـور مــن حــد
تحـكـم بـلـد ربـعـك وتـحـكـم بـــلادي


تـاخـذ مــع العـشـاق مـشـوار وتــرد
مـثـل الكحيـلـه فــي نـهـار الـطـرادي


انا احسب ان القلـب تايـب عـن الـود
واثــره مــع العـشـاق تـايـه وغــادي


قفيـت واثـر الـطـرف مشـغـول ويـلـد
يـمــك ومغـرقـتـه دمــــوع جــــدادي

مما راق لي

[صخري]

جميل منك سلمت

[Raed Saadeh]

جميله منك ابو اشرف سلمت يداك على غذب كلامك