قالوا علامك قلت مهموم مهمـوم # همّ(ن) يهد الحيل هـدالجبالـي
محرمني الراحة ومحرمني النوم # أشغلت بالي حيل وأتعبت حالـي
أعـد فالأيـام يـومٍ بعـد يـوم # وأجلس وحيد أحسب نجوم الليالي
ون نمت تدخلني هواجيس وحلوم # المر منها مـر والحلـو حالـي
وليا بقيت بمثل هالحال ؟ ياقوووم # لا والله الا أبى أغدي براسمالـي
لكن مابه شـي فالكـون بيـدوم # مادايم الا الله عزيـز الجلالـي
خلوني أنسى الهم والغم والشـوم # وعلى بحور الشعر أورّد حبالـي
أنزل لسوق الشعر وأزوّد السـوم # وأدور الغالي ولو كـان غالـي
واغوص في بحر المحبين واعوم # ليا ذكرتـه كـن يرتـاح بالـي
الهم كله كوم والحب فـي كـوم # علة تخلّي الكبد كبـر الطحالـي
الحب ذبّح له صناديـد وقـروم # لن عشت وإلا متّ ماني لحالـي
لكن هذا ظرف بالشمـع مختـوم # كاتب عليه لمن تهمـه حوالـي
عليه صورة قلب بالدمع مرسـوم # دمعٍ حمر يشبـه لـدم الغزالـي
وبداخله عنبر وكـادي ويشمـوم # وحبّ وعواطف مالها اول وتالي
ومعها السلام اللي على قنّ وسلوم # ينصاك ياللي ما تفـارق خيالـي
سكنت في قلبي معزّز ومحشـوم # عالي عن العربان والقدر عالـي
صلّحت لك فالقلب فيلاّ وبـدروم # والبيت بعد البني صعب الزوالي
المفضلات