افضل مهنة الان هي بيع الخضرة

**abu firas** · 05-02-2012 02:01 PM

بصراحة افضل مهنة هي من يباع الخضرة

واليكم طريقة بيع الخضرة
البندورة : ياريان احمر ياريان، ولي عليكي شوحمرة .. ياريان ، يلي بدك تطبخ كواج ياريان .
< الفاصولياء : شلة حرير يافصوليا، بلودانية يافاصوليا، مالطية يافاصوليا، بلانسر يافاصوليا، خضرة يافاصوليا، اطري من الهليون يافاصوليا.
< الكوسا: هيه موز ياكوسا، العشرة بعشرة ياكوسا.
< الخس: الله الدايم ، الله الدايم ، العشرة الكبار يامال اللوان.
< البصل: ياعيار البصل للمونة ياعيار ، على مال الحتيتة يابصل.
< الثوم : كسواني ياتوم، يبر ودي ياتوم، عازته عازة بالبيت ياتوم، ولا عازة الجارة ياتوم.
< الجزر: محلي الارامل ياجرز، خيار الآبون (القابون) ياجزر.
< البقدونس – الكزبرة : بقدونس طرية . كزبرة طرية.
< الفجل: طري وجديد يافجل، استانبولي يافجل.
< الطرخون : خاين ابن الزنا .. خاين يا طرخون .
< الفول النابت : ( وهو الفول اليابس المسلوق ) النابت نبت ، طلعت ايده هالنابت ، هلا استوى اللوز ياشباب.
< الذرة المسلوقة : بيضة وريانة ياذرة .. هلا استوت يا وليد.
< البليلة : بليلة بلبلوكي، عند امك وابوكي، راحو ليجيبوكي لئوكي بندو (بندق) . الله يرحمك يا ابوغانم بياع البليلة
< الشوندر المسلوق : للسعلة دوا يا شوندر .. هلا حلي وطاب اكل العسل ياوليد.
< الجرادق: يلي الهوا رماك ياناعم، رماك وكسر عضامك ياناعم .
< حلاوة ليلة الله: كل سنة والحبايب سالمة ، كل الليالي فضيلة ياليلة الله .
< غزل البنات : غزل البنات .. سكر نبات .
< تمرية وكعك : يامهون ياكريم ، تماري وكعك .
< خبز رمضان – المعروك : صايم، الله وليك ومحمد (ص) نبيك صايم، شوهاد ياخال ، هادا هدية للصايمين .
< المخلل والطرشي : حاموض هالمخلل حاموض ، طربش (كسر) الخوابي حاموض .
< رأس الخروف المسلوق : لية الرأس، نيفة الرأس ، يالله هبرات ولسانات .
< الحلاوة: حلي سنونك ياولد (اسنانك) .
< الجانرك : لا تدور عليها الحلوة ليكها ، معلل ومدلل يامال الربوة .
< للكمأ : سمرة يابنت العربان ياسمرة ، ابوكي راعي الحصان ياسمرة .
< السفرجل والطرخون، شوبدي استفكر منك لاستفكر كل عضة بغصة ياسفرجل
< باضامة ياصحون ، بأزاز (زجاج) مكسر ياصحون
< يللي عندو طئومة ، (كنابايات ت، ارائك) يللي عندو تخوتة ، يللي خزانات
يللي عندو سجاد، يلي عندو ماكينات . ييلي عندو اواعي عتء للبيع ، كنادر عتء للبيع ، نحاس للبيع.
يلي عنده بزر مر (بزر مشمش) يلي عند اشر (قشر) رمان. يلي عنده ازاز مكسر.