البنت:

يابـــوي عمــري نضج وزان........... واليـــوم أصبحـــــت عروسـه
أبغـــى اتـــزوج ابــن فـلان........... ومن شروطكم صرت معموسـه


الأب:

يـــابنت أنتي شانك شـــان............. ومربينـك عــــلى الكـــوســــه
نبغــى نـرد الثمــن باثمــان............. نـــاخذه ونكســــب فلوســـــه

البنت:

يــــابوي أنا لحـم وانســان............. ومــن شـــرع الله مطمـــوسه
شوف البنات داخل الاسكان............. من كثرهـــــن فيه عانـوســه

الأب:

تعبت مــــع الزمن وأزمــان............. واليــــوم يـــابنت نبـــروســه
شريت لك مــن الكتب ألوان............. وأقــلام وثيـــاب مــدسوســه

البنت:

أجل بضــاعة أنا بدكــــان............ فــي مخزنـــك صرت محبوســه
تبيـع وتشري تبي الربحان............واللـــي يـــزود لــه بــوســــــه

الأب:

أبــــوك شايب يبي نيسان.......... جديـــد مـــادارت اتــــروســـــــه
وأخـــوك بنــز من الألمــان......... .وأمــك فــي سنونــها سوســــه





البنت:

أبغى الحكم منكم ياعربان.......... والقـــول فـــي العدل ناموســـــه
فيه مشكله حاصلــــــه الآن....... فــــي بيــوت من نــاس مرموسـه