كثر من الهيل وأسكب من الدله فنجان

[محمد الصمادي]

كثــّر من الهيل

ثم اسكب من الدله

فنجان ..

يا جعل أيامك سنين

ثم أحكى لي عن سرك الخافي

عن العِلـّه

عن سر حب ٍ عاش

وسط الشرايين

قال الذي حبـّيت

هو مات .. جـِلــّه

واللي بقى لي منه

ذكرى ودواوين

حبيته بصمتي

وحبيت .. كـِلـّه

ولا يوم في عمري

أشقاني ... الزين

فجأه رحل عني

ولا أحد ٍ محلـّه

لا اليوم .. لا بكره

ولو بعد قرنين

أشوف خلق الله

كل ٍ ... وخلــّه

وأنا الذي خلـّي

ما يعود .. بعدين

أتعبت صدري هم

والدمع أهلـّه

ولا فادني حظي

يا حظي الشين

قلت أستعن بالله

والفرض ... صلـّه

يا كبر .. هم اللي

ما هُم ... مصلين

واللي رحل به موت

لا بد نحِلـّه

ما عاد للموتى

غير الدعا .. الزين

ثم أسلك دروبك

ودرب ٍ تدلـّه

أخير من درب ٍ

ما تعرفه .. زين

وأترك بقايا صاحبك

لا تشلـّه

ما فاد ننعاهم

ولا فاد ... تبكين

وربي يعوضك خير

بجنـّه .. مظِلــّه

وتصير أيامك

هي كلها سنين

كثر من الهيل

وأسكب لي من الدله

يا هاجسي اللي جا

بين الصلاتين

أنا أحسبك إنسان

جا فيه عِـلـّه

مما راق لي

[آحمےد آلوحےيدي,]

الله عليك ابو اشرف
تجلي رآئع

[mody sat]

صح لسانك يا شيخ