تكفى يابحر لاتفضح اسراري

اردنية وافتخر* · 09-09-2010 11:19 PM

كذب من قال موج البحـر خايـن والبحـر غـدار

وأنا في عيني أمواجه قبر .. وأدفن بها أسـراري

لك الله يابحر من ويـن جبـت الصبـر ياصبـار ..

وأنا صبري عجز لايكتـم اللـي شفـت بأقـداري

أنا يابحر همـي ساحلـك .. والمركـب الـدوار

يسوق الموج للمينا وتصدم فـي صخـر ظـاري ..

أنا مـدك وجـزرك والهـوى والليـل والأنـوار

طلبتك يابحر .. نزل شراعـك واسمـع أخبـاري

أنا شلت الغرام اللي سنيـن العمـر بـه تحتـار ..

وتهت وضعت بين المستحيل .. ورغبة أصـراري

سريت الليل أنا يابحـر كـن النجـم لـي سمـار

ووصلت لشطك الظالـم ولاأدري ويـن مشـواري ..

وعجزت أغلق شبابيك الحزن وأرخي عليها ستار

وأخاف الشمس تفضحني نهار يشوفنـي جـاري

سبحتك ليـن سمونـي بعـدك ((بــ فلان )) البحـار ..

تعال وعوم فينـي .. شـوف لولـوي ومحـاري

تعال .. وشف أثر عصفور سطح الماء فزعه وطار

ودور لي هنا ضلع تـوارى .. ويـن متـواري ؟!

توارت قبلـه دموعـي عـن الجـلاس والأنظـار

وتوارت قبله أحلامي .. وعاشت خارج أسـواري

سريت الليل وأثر الليل نـاوي يفضـح الأسـرار ..

وأثاري كـل ليـل مرنـي مـن فرحتـي عـاري

أنا ماأذكر من الرحله سـوى دمـع همـا مـدرار

ومجداف رميته في ظلامـك جيـت بـه سـاري ..

أنا غصن ظلمه الوقـت ماعـدت عليـه أمطـار

رداة الحـظ خلتنـي .. أعيـش آطـار آثـاري!

أنا أدري مابيدينك فـرح تعطينـي عليـه اقـرار ..

وأنا أدري ان السكوت أرحم من الشكوى لجـزاري

أنا جيتك أبي أخمد علـى شاطيـك بعـض النـار

وأثر حالك مثل حالـي تعانـي الجـرح وتـداري ..

بحر .. بالله توعدني وعد .. لاتفضـح الاسـرار

**أبو جواد.** · 09-09-2010 11:42 PM

مشكورررررررره كلمات أعجبتني

**Raed Saadeh** · 09-09-2010 11:44 PM

كلمات رائعه اشكرك
$$

**المرحوم رعد الزغير** · 10-09-2010 07:38 AM

اشكرك خيتو

اردنية وافتخر* · 10-09-2010 05:07 PM

مشكوووووووووووووووورين على المرور المتواصل والدائم

**mody sat** · 11-09-2010 03:52 PM

تُرَنِمُ أحرُفُكِ فِي جَوفِي عَصا ألمُعَلِم
وَيُعَلِمُني عَن أنامِلُك تُلحِن ألحُروف ألوآن
فَ إعْزِفي عِتآب رُبما يَسمعهُ قَلبهُ وَيَتَأجج
لَهُ ألوجدآن .!

اردنيه وافتخر

رُبما ألغَرق فِي ألا مَكان يَجعلُنا فِي صُعود
إلى شَيء مَا أو مِن شَيء ما !!

لِروحك زَيزفونه