تم التعديل لانه بعض الاشتباكات بلكلمات
فنون الغدر ...


لا تتصل لي ولا ترسل لي حروفك ..
ماباسوى تمسح ارقامي من اللسته ..
عجزت اداريك و امشي رغبة شفوفك ..
ما فيه درب لكسب لرضاك ما دسته ..
عقب الخيانه تجيني تشرح ظروفك ..
انت الذي حبنا تحت القدم دسته ..
جملت كراسة التعبير بوصوفك ..
لا و حسافه قصيد ٍ فيك كرسته ..
ابعد بطيفك عيوني ما تبي شوفك ..
تراك جرح الخفوق بجد لامسته ..
لو كان بعض الخيانه ساكن بجوفك ..
عذرت قلبي و عاطفته وسوسته ..
صحيح انا كنت احبك واعشق طيوفك ..
و ان جيت قلبي بغربة هم ونسته ..
ان رحت يا صاحبي كملت معروفك ..
شجعت قلبي على بعدك و حمسته ..
لا يا زمن ماني بناقص من صدوفك ..
وش عاد باقي معي يا وقتما حزته ..
يا قلب لاتنحـنـي لأحد ٍ وانا اشوفك ..
وش لك في بنت ٍ فنون الغدر دارسته ..
عدلك و ميلك تساوت والسبب خوفك ..
من واقع ٍ يكشف اللي فيه مارسته ..
والله لأخليك عقبي تصفق كفوفك ..
و اشرّب اللي تغطرس كاس غطرسته ..
بوقفك في طريق الغدر واطوفك ..
دام الغدر هو هواك اللي تنفسته ..
بس انتظر لا تناظر لحظة وقوفك ..
اخاف اضعف و ارد اسمك على اللسته ..

حزن المسافر فاق طـول المسافـه
نوى السفر واستـودع الربغاليـه
لاصار لهمومـي مـلاذ وضيافـه
لو مابكيتـه مابقـى شـي ٍابكيـه
ابكيه نهر ٍ تـاه مجـرى ضفافـه
ابكيه سيل ٍ ضاق به حجـمواديـه
صبري بلغ حد الندم والرهافه
وصبر ٍ بدونه قلعته ويش ابيفيه
تكفون بالله .. لـو عليكـم كلافـه
توسطوا من اجل عينـي تراعيـه
قبل يصير اللي حكى باعترافه
مااقدر على مر الفراق وبلاويه
ابي اشوفه قبل يصعب مشافه
في ديرة ٍ مايندرى وينواديه
ان كان لله عندهم من مخافه
قلب ٍ تولع ل***وحوبغاليه
ياصعب لامن راح قهر الحسافه
قلبه يناديني وقلبييناديه
ياليـت حبـي لـه مجـرد لقافـه
يطري عليّ لامسيت ولاصبحت ناسيه