شباب صبايا انتبهو على ايميلاتكم







مرحبا يا حلوين
جايبتلكن اليوم قصة واقعية صارت مع وحدة قرايبتي من يومين بس
مشكلة بسبب إهمال بسيط
ما رح طول عليكن
البنت نزلت على كافي نت فتحت مسنجر وصارت تحكي مع أخواتها الي بسفر ومع رفقاتها
وبعد ما خلصت طلعت البنت من الكافي نت ونسيت تسكر ايميلها
المشكلة انو اجا شب وقعد عالنت
وبعد بشوي فتحت اختها المقيمة ببلد تاني لقتها فاتحة بعتتلها هاي لك منورة

لقت حدا رد عليها بكلام وسخ كتير
اتدايقت الأخت وما عرفت شو بدها تعمل
دقتلها لأختها وقالتلها هيك هيك
هون اتذكرت البنت انو ما سكرت ايميلها قبل ما تطلع من الكافي نت
والأحلى كمان انو عاملة حفظ اسم المستخدم وكلمة المرور
البنت راحت مع أخوها وأختها بسرعة عالكافي نت
مسكوه للشب
وسألوه صار ينكر
كبرو القصة اكتر ودقو للجنائية اجت اخدتن وصارو يحققو معو نكر
الأخت دريت بهالشي فبعتتلن سجل المحادثات حتى يتأكدو
هون الشب ما عد لقى أي مجال للإنكار
واعترف وصار بدو يلفلفو الموضوع
طبعا هنن رفضو خاصة انو طلع رجال عمرو 35 سنة يعني مو مراهق( والأحلى انو طلع مهندس)
المهم ما رح طول عليكن الشب جاب واحد من اهلو رجال محترم كتير اعتذر عنو وقررو يلفلفو الموضوع وقالو بيكفيه فضيحتو قدام أهلو مو مهم الحبس بقي


المهم النقطة الي بدي نبهكن عليها
شباب صبايا انتبهو لايميلاتكن
 هالنماذج موجودة كتير من شباب ما عندن أخلاق
إهمال صغير سبب هالمشكلة
 ومنيح الي لحقوها عند هاد الحد

تــحــيــاتــي
ابـــو الـــزوووووووز
انتظر الردوود