عرض للطباعة
[CENTER]بسم الله الرحمن الرحيم [/CENTER]
هل يمكن شبك قطعة مدى على الراوتر ؟
ان عندي قطعة مدى وشابكها على جهاز pc وماخذ خط على الابتوب وشغال حلاوه (شارنج)
هل بقدر اعطي الراوتر من جهازي ومن ثم الراوتر يوزع على اكثر من جهاز
وبارك الله يكم
ان شاء الله اني اقدرة اوصللكم
ارجوا الرد
سبحان الله وينكم
[CENTER][SIZE="3"]اسف للتاخير لكن لم اشاهد موضوعك .
بالنسبة للراوتر انو يوخذ من الكمبيوتر العادي هاي صعبة .
الراوتر لو كان فيه USB بتقدر تضع الفلاشة فيه وبياخد اي بي على الاكيد ومنها بتصير توزع للكمبيوتر ولكافة الاجهزة .
لو اردت تجربة الراوتر ان ياخذ من الكمبيوتر :
1- ادخل على run ومن ثم cmd
2- اكتب ipconfig وانسخ الاي بي الخاص بجهازك
3- ادخل على الكمبيوتر على خيارات الشبكة .
4- ثبت الاي بي الخاص بك . على حسب ما شاهدته بالدوس . وعند تثبيت الاي بي الدي ان اس اللي بدك تعبيه بفراغات النيم سيرفر عبيه :
الفراغ الاول : 8.8.8.8
الفراغ الثاني : 8.8.4.4
وتاكد بعد تثبيت الاي بي ان النت شابك عالجهاز لو كان شابك بيكون تمام بتكمل الخطوات . لو ما كان شابك ارجع على خيارات الشبكة وشيل تثبيت الاي بي واتركه اي بي يدوي . وتابع .
ضع سلك الانترنت على مدخل WAN بالراوتر وبداخل الكمبيوتر . ( مع ان كرت الـ Ethernet للادخال ) . فقط لكن مش غلط المحاولة .
وبعد شبك السلك ادخل على لوحة تحكم الراوتر :
192.168.1.1
وثبت اي بي الراوتر ضع الـ Default Getway هي اي بي جهاز الكمبيوتر .
وجرب شوف النت لو شبك عالراوتر بيكون كويس لو ما شبك بكون ما بينفع غير من USB ياخد الراوتر .
تنويه : شروحات الراوترات كثيرة على النت وكله حسب نوع الراوتر .
تنوزيه اخر : الشرح فقط لزيادة المعرفة لكن برايي الراوتر لا ياخذ نت من جهاز كمبيوتر Ethernet لان وظيفته ادخال المعلومات وتبادلها وليس توزيع نت .
اجمل تحية
اخوك رائد سعادة[/SIZE][/CENTER]
بارك الله فيك
بجرب وبردلك خبر
ممكن توضحلي رقم 3 و 4
شاكر الك
[CENTER]3- ادخل على خيارات الشبكة حسب الويندوز اللي عندك . يعني من عند الساعة اللي تحت عاليمين اكبس بالماوس بالكبسة اليمين على صورة الكمبيوتر تبع الشبكة واختار : Network Connections لو كان ويندوز اكس بي او Open Network and Sharing Center لو كان ويندوز سيفن . وبعدين
Change Adapters Settings
راح يظهر لك ايقونة الشبكة هاي منها بتثبت الاي بي .
بتضغط عليها كبسة يمين وبتختار Properties وبتنزل لعند خيار : Internet Protocol Version 4
وبتكبس عليه كبسة واحدة بالماوس وبعدين على مربع Properties الخاص به .
راح يظهر لك شاشة بتفعل فيها الاي بي اليدوي .
الخطوة 4- : لما تفعل الاي بي اليدوي بيجيك مربعات فارغة تعبيها . طبعا هاي المرفعات هي اللي فيها بتثبت الاي بي .
جرب كل ما كتب . وشوف شو بيصير معك :) .[/CENTER]
للاسف ما زبط
على كلا بارك الله بك
وشكلي بدي اشتري راوتر usb بس شو بتنصحني اينوع وهل اكيد بيشتغل على usb
شاكر الك
[quote=عمادابوخالد;868222]للاسف ما زبط
على كلا بارك الله بك
وشكلي بدي اشتري راوتر usb بس شو بتنصحني اينوع وهل اكيد بيشتغل على usb
شاكر الك[/quote]
[center]قبل لا تشتري انت فهمني اكم معلومة حتى اجاوبك جواب صافي .
ايش المودم تبعك نظامه ؟ يعني هو فيه مدخل سلك التلفون صحيح ؟ هلأ الكمبيوتر تبعك كيف شابك نت ؟ حاط فيه usb ومنزل برنامج تعريف المودم عالكمبيوتر ومنه شابك نت ولا كيف بالضبط ؟
فهمني الشغل اللي عندك حتى اقولك الراوتر بياخد اي بي او لا لانه الراوترات اتوقع بتاخد من الفلاشات .
وحلك الوحيد :
راوتر zte للي بيجي فيه مودم + راوتر مع بعض . ووايرلس وسلكي كمان 3 بواحد .
وهاد بقولك عنه مضمون شو ما كانت حالتك
[/center]
انبلش من اول
انا شابك نت عن طريق فلاش مدى على جهاز pc مباشره في مدخل usb الجهاز بدون راوتر .... حلو
هس انا صرت ابحث على طريقة اعمل فيها شيرنج من pc الى الاب توب وفعلا وجدة طريقة
1_ جبت سلك الايثرنت وشبكتو في pc الى الاب توب
2_ روحت على الشبكة وبعدين properties وبعدين advanced (شارنج ) وبعدين حطيت صح على allow
وصار كل اشي حلاوة الجهاز والابتوب فيهم نت
هس محسوبك طمع صرت بدي اشبك اكثر من لابتوب...... كيف؟
عندي راوتر قديم نوعو netgear
شوف شو سويت
الفلاش زي ماهي مشبوكة في pc النت شابك حلاوة وسلك الاثر بدل ما يكون في الابتوب حطيتو في الراوتر وجبت سلك ثاني وحطيتو في الراوتر الى الابتوب
يعني الجهاز بعطي الروتر والروتر بعطي الاب توب او اكثر من جهاز
بس هاي الطريقة ما زبطة
والله عارف اني غلبتك سامحني
[center][size="3"][quote=عمادابوخالد;868241]انبلش من اول
انا شابك نت عن طريق فلاش مدى على جهاز pc مباشره في مدخل usb الجهاز بدون راوتر .... حلو
هس انا صرت ابحث على طريقة اعمل فيها شيرنج من pc الى الاب توب وفعلا وجدة طريقة
1_ جبت سلك الايثرنت وشبكتو في pc الى الاب توب
2_ روحت على الشبكة وبعدين properties وبعدين advanced (شارنج ) وبعدين حطيت صح على allow
وصار كل اشي حلاوة الجهاز والابتوب فيهم نت
هس محسوبك طمع صرت بدي اشبك اكثر من لابتوب...... كيف؟
عندي راوتر قديم نوعو netgear
شوف شو سويت
الفلاش زي ماهي مشبوكة في pc النت شابك حلاوة وسلك الاثر بدل ما يكون في الابتوب حطيتو في الراوتر وجبت سلك ثاني وحطيتو في الراوتر الى الابتوب
يعني الجهاز بعطي الروتر والروتر بعطي الاب توب او اكثر من جهاز
بس هاي الطريقة ما زبطة
والله عارف اني غلبتك سامحني[/quote]
لا غلبة ولا اشي ... ولوو بالخدمة ..
بس هل انا كنت مخربط معلش في موضوع تاني خاص بمودم ههه مخربط معك ومعه ..
هلأ مدام انت شابك عن طريق فلاشة نت . الراوتر بالاصل مثل ما كتبت لك فوق ما بياخذ نت عن طريق كمبيوتر لان الايثرنت غير .
حلك هلأ انك تجرب راوتر يدعم الـ usb . تضع فيه فلاشة النت وتوزع من الراوتر للكمبيوتر واللابتوب .
برايي لا تشتري راوتر قبل تكون ضامن لان فلاشة مدى ما بعرف لو بتنفع معك ولا لأ لكن فلاشة زين وفلاشة اورانج مضمونات على راوترات usb .[/size][/center]
الله يبارك فيك وشكرا على التواصل
وشكرا للمنتدى الرائع الذي تاح لنا تداول المعلومات
مبارح رجعت وبلشت من اول وجديد وبعد تعب وتمحيص وتدقيق واخيرا اشتغل اشتغلللللللللللل
عملت reset للشبكة وما كتبت ولا رقم .....والراوتر شلت جميع الارقام وعملتو dynamic واشتغل حلاوه