طلب من كل المشرفين !!!

السلام عليكم
اخواني المشرفين والقييمين عى السيرفر
عندي طلب لو سمحتوا ... يا ريت لما تعملوا صيانة على السيرفر تخبروا المشتركين قبل وقت .. ما في مشكلة تعملوا صيانة بس يا ريت على علمنا مش فجأة.
الكل رح يكون متفهم للصيانة، بس مش زي اللي صار هاي المرة ....

انا متأكد ان المشرفين ناس محترفين وتعاملهم مع المشتركين على هذا الاساس..
وحسب رأيي المتواضع ما بيصير ينعمل صيانة للسيرفر فجأة من غير اخبار المشتركين (سلفا) او رح يفقد هذا السيرفر مصداقيته.

كثير جدا من المشتركين انزعجوا وانا واحد منهم .. لما السيرفر يصير مش موثوق انه شغال ولا لأ، فهاي مشكلة كبيرة

ان شاء الله المرة الجاية اللي بيصير فيها صيانة يتم اخبار المشتركين عشان يضل التعامل بيننا على اساس احترافي وتضل الثقة موجودة

وشكرا

عزيزي صعب جدا انو صاحب السيرفر يخبر كل المشتركين عنده

لانو مش عشره او عشرين واحد المشتركين معه

اخي راح يتم التكلم هذا الخصوص لان مثل ما كتب لك الاخ عمر صعب يراسل للكل .
لكن لو بالنسبة للمشتركين المتابعين بالمنتدى سيتم التكلم مع ابو احمد بهالخصوص حتى نكتب بالمنتدى هنا عن اي عملية صيانة .

مشكورين يا اخوان على ردودكم
ان شاء الله يتم اخبار متابعي المنتدى بأي صيانة مستقبلية
مشكورين ما قصرتوا
بس يا ريت تخبرونا متى صيانة السيرفر الحالية بتخلص؟ لأن لحد هاي اللحظة وضعه مش ثابت.. لا زالت بعض القنوات مش شغالة او بتضل تفصل وتشتغل
يعني انا عندي حاليا قنوات الأموس مش شغالة ابدا
وقنوات الجزيرة شغالة شوي وفاصلة شوي

وشكرا

تم الانتهاء والان اموس تعمل بدون ترميش

[quote=غازي النتشه;868334]تم الانتهاء والان اموس تعمل بدون ترميش[/quote]

الله يعطيك العافية اخي غازي