علامك جيت ياقلبي وراجع وخاطرك مكسور ؟!

[center] [center][font=comic sans ms][size=7][color=black]علامك جيت ياقلبي وراجع خاطرك مكسور
أبد لاينكسر خاطرك دامه صاحبي جاير..

أبي تنسى مبادئنا وتنسى طبعنا المغرور
وأبي الحين ترجع له وقله يطلب ويآمر..

وإذا جت عينك بعينه..أبي تشهد شهادة زور
بأني مذنب ومخطي وقلبه ناسي وغافر..

وقله لااااا يخليني على حزني أبات شهور
لأن الموت اشوا لي وأنا من طبعي مااكابر..

ولايفكر يقول أنسى وغيري فالبشر مذكور
لأني ماخبر غيره..قسم بالله مو خابر..

أحس اللي خلق غيره خلق باقي البشر ديكور
وأحس الورد لاشمه يميل وينثني شاكر..

وربي هالبشر بعده هياكل والبيوت قبور
ولابه شي بالدنيا يجاري غيابه الكافر..

حبيبي يابعد كل الحبايب والزمان يدور
علامك ماتخاف الله تعال وشوفني..ناظر..

ترى قدرك بعيني صعب أحصره بغلا وشعور
أبي باصبعك تشر لي وأجيلك وقتها طاير..

ألا ياصاحبي القاسي بدونك هالحياة تغور
ألا ياسبة جروحي ألا ياحظي العاثر..

أحبك يامنى عمري وغيرك يمسك الطابور
أحبك يامولعني وأذوووب بصوتك الخاثر..

أنا من كثر ماأحبك أحس اني معك مسحور
فديتك خلني مسحور إذا تبقى لي الساحر..

تعال وخذني بكيفك قصيد ولو تبي جمهور
فداك اللي قصدته أمس واللي بقصده باكر..

لك الله وانت خابرني شجاع وماعلي قصور
ولكن لو وصل أمري بيدك آآآآه ياساتر..

دخيلك انتبه لالا تمادى مع رجل مقهور
ترى قهر الرجال أكثر من اللي تحسب وفاكر..

أنا حبي معك والله عفيف وطاهر ومستور
حشى صعبه تلاقي قلب شروى قلبي الطاهر..

وإذا ناوي تجربني ترى وقتك معي مهدور
أموت بنار طغيانك ولاينقال لي صابر..*


أمانه روح ياقلبي وأبي تضبط عليه الدور
أمانه طير له تكفى وابي الحين ياشاطر..

أبيك تحب لي راسه وتنسى طبعنا المغرور
ترانا اثنيننا والله بدونه نكسر الخاطر..






مما راق لي
[/color][/size][/font][/center]

[/center]

[center][font=arial black][size=5][b]انه ابدآآآآآآآآآآآآآآآآآآآآأع لماا قد رااق لك ..!![/b][/size][/font]
[font=arial black][size=5][b]ورآآآآق لناا جميعآآ ..!![/b][/size][/font]
[font=arial black][size=5][b]سطور رآآئعه ..![/b][/size][/font]
[/center]

[center][color=purple][size=5][font=comic sans ms]
كلمات رائعة من انسان رااااائع وصادق
تسلم مودي

[/font][/size][/color][/center]

والله اخ مودي كلمات رائعة جدا
الله يعطيك العافية