تكملة الأحداث اللي صارت بالكلية

[CENTER][SIZE="4"][COLOR="Navy"][B][FONT="Arial Narrow"]السلام عليكم
كيف الحال؟

اسف عالغياب لكن الظروف والامتحانات وكل شي بيجي عالراس بوجعو... :eek::eek:

المهم شباب كتبتلكم عن قصة صارت معي بالكلية قبل 3 او 4 ايام ..

الرابط الاول للقصة كان :
[url]http://www.jo1sat.com/showthread.php?t=144804[/url]

المهم اكمللكم شو صار.. . كلكم بالقصة الاولى صرتو تقولولي اعملو شاي او قهوة ..
طبعا انا مقبعة معي لا شاي ولا قهوة..عالناشف يعني..لأنه هو الكبير .. وهو استاذ وانا طالب المفروض هو يعزمني ويتفاهم معي...

سيبونا من كل هالحكي خليني اشرحلكم شو صار معي اول امبارح اللي هو تاني يوم من القصة الاولى ..

صحيت من النوم والامتحان عالـ 9 .. انا صاحي عال 6 .. قعدت اراجع امتحان العربي ..
صارت الساعة 7 ونص.. قرفت العربي واللي ألفه .. رحت عملتلي كاسة نسكافيه امخمخ .. ولا الكولر فاضي بدو قارورة مي..وانا يا دوب صاحي عشان احملي قارورة .. طنشت ورحت غيرت ولبست ومشطت وغسلت وعملت مليار شغلة لبين ما صارت الساعة 8 .. طلعت من البيت ووصلت عالمدرسة كانت الساعة 8:25 ... شو بدي اعمل لبين ما يصير وقت الامتحان ؟ .. رحت رنيت على صاحب اشوفه .. دايما بننزل انا وياه نفيع..طلع تلفونه غير متاح..اتصلت على التاني اللي كان معاي بالقصة الاولى..رد علي...

[SIZE="5"][COLOR="DarkRed"]المحادثة:
[/COLOR][/SIZE]
[SIZE="4"][COLOR="DarkOrange"][FONT="Tahoma"]أنا : ألو
هو : اهلا اهلا ولااا
أنا : وينك يا كبير ولك جعنا بدنا نفطر
هو: هههه ااااه فهمت عليك..استناني عند أبو شريحة (هاد اسم المطعم) اقل من 10 دقايق بكون عندك هيني بالسيرفيس
أنا: اوكي ماشي سلام[/FONT][/COLOR][/SIZE]

ووصل باقل من 10 دقايق..رحنا شرينا ساندويشات وشاي وطلعنا نوكل..وعشان الدنيا برد رحنا عالمدرسة..لقينا صف محولينه قاعة يعني فاضي فش فيه غير اكم مقعد بسس..
دور دور لقينا دوسية لطالب مرمية عالارض..مزعناها وفرشناها جريدة عالمقعد وفرشنا عالكيس والشاي وبلشنا ... ومسكرين الباب كنا وحاطين وراه كرسيين..
فجاة واحد بحاول يفتح الباب... رحت بلعت ريقي وزحت المقاعد..ولا يا عمي هاد مساعد المدير... شو بتعملو...فات عالصف..ولااا يشوفنا بنوكل..ضحك ولا هو بيقولنا صحتين شباب .. (هو محترم كتير كتير) .. قلنالو اتفضل ودقينا فيه يوكل معنا ما رضي حلف ميت يمين انو مفطر..

هلأ بعد كل هاد رجعنا سكرنا الباب وكملنا اكل...خلصنا عالساعة 8:45 تقريبا..اجينا لملمنا الاغراض ورحت فتحت الباب عشان نطلع انا وصاحبي..ولا ياااااا حبيبي مين بوجهي لقيت..استاذ الفيزيا يا عمي.. طبعا انا حاولت اخلي حالي مش شايفو بس ويييين هو قبالي بمترين بسسسسس.. المهم اتطلع فية من فوق لتحت..ولا هو بيقولي..اجيت والله جابك..تعال..اعطيت الاغراض اللي كنت حاملها لصاحبي واخذني الاستاذ ع غرفة المعلمين..

قعدني قبالو عالطاولة..(تقول عزيمة غدا بمطعم)..

الحوار بالحرف الواحد:

[COLOR="rgb(255, 140, 0)"][FONT="Tahoma"][SIZE="5"]الاستاذ: ايش ولا .. وين ما بينت بعد الامتحان هديك اليوم
أنا: نسيتك استاذ رن علي واحد وضليت طالعلو بدنا نروح مع بعض
الاستاذ: ما علينا.. قولي ليش كنت اتخفف دم بالقاعة ؟ وكمان فوق هاد كنت عامل 500 مخالفة
أنا: ما خففت دم ولا اشي استاذ بس جاوبت طلعت معي هيك , وكمان مو 500 مخالفة. كلهم مخالفة الجينز + تخفيف الدم + طلعت الفطور + لبس السيفتي + ترويحة فورا يعني على بعض 4 او 5 مخالفات.
الاستاذ: والله ؟ بتعرف شو هدول المخالفات بالنسبة الي؟ بقدر احرمك من الامتحان عشانهم.
أنا: لآلآ استاذ اعصابك مو مستاهلة الواحد بضلو بني ادم
الاستاذ: من جهة بني ادم كلامك مزبوط . هلا قولي كم جبت الشهر الاول بالفيزيا؟
أنا: 29/30
الاستاذ: اووووف , والشهر التاني؟
أنا: 30/30
الاستاذ: ما شاء الله , ولك يا *** بتجيب هالعلامات وعليك حركات همالة
أنا : هههه لآلآ استاذ صحيح شاطر بس الواحد بحب يفيع شوي مو يضل زي المؤدبين
الاستاذ: (وهو مبتسم) طيب دير بالك وضلك هيك ولك اذا ما جبت معدل عالي بدي ألحمك
أنا : لآلآ ان شاء الله خير .. من هون للنتائج الله بفرجها.. بس استاذ في شغلة
الاستاذ: اها؟
أنا: استاذ المسبات اللي بتضل تحكي مع الطلاب فيها..زي ما قلتلنا انا وصاحبي وين رايحين يا كلاب..او لما تنادي على واحد تقوله تعال يا حيوان.. هاي الالفاظ الطلاب ما بحبوها وولا بني ادم بحبها
الاستاذ: الطلاب هيك بتيجي..بكلمة محترم وهاي الشغلات ما بتيجي
أنا: صحيح في طلاب مش محترمين بس في طلاب محترمين..وحاول لو بدك تضلك ماسك المدرسة والنظام زي هيك واحسن خليهم يردو عليك محبة مش خوفا منك
الاستاذ: من هاي الجهة معك حق اتاريك مش قليل ولاا
أنا: هههه لا الشغلة بدهاش حداقة المهم استاذ خليني اروح صار الامتحان بدو يبلش.. والك علي هلأ وانا طالع اوصلك كاسة شهوة على كيفك للغرفة هون او القاعة..
الاستاذ: والله بتعمل خير حبيبي..
أنا : اوكي يلا سلام استاذ :):) وانا مبتسم في وجهه[/SIZE][/FONT]
[/COLOR]

ورحت على المسؤول عن المطبخ بالكلية قلتله استاذ الفيزيا الفلاني بدو كاسة قهوة وسط بقاعة 12 .. وفعلا وصلولو اياها..

المهم قدمت الامتحان وضليتني فاركها عالبيت لأنه الدنيا كانت موووووووووت برد فخداتي ما كنت حاس فيهم .. وادي نفس الشي..

المهم شو رايكم؟
زبطت وضعي معو ههههه بالهداوة .. وبعدها.. لليوم وضعي معو زينون .. وبطل ينادي على حد يقوله تعال ولا.. او وين رايح يا حيوان.. هع هع

[SIZE="5"][COLOR="Green"][FONT="Century Gothic"]شو رايكم؟
[/FONT][/COLOR][/SIZE]
تحياتي
اخوكم رائد[/FONT][/B][/COLOR][/SIZE][/CENTER]

[quote=الفراشة الطيبة;638008]والله وجهت نظر جدا جميله والأسلوب في الحوال مفعم بب أفكارك وأقنعته فيها
شاطر
الله يوفقك وتطلع الأول على المملكه أو أقلها من الأوائل أنشاء الله[/quote]

[size=4][color=blue]
[/color][/size][center][size=4][color=blue]تسلمي يا طيوبة على الاطراء وعلى الدعوى وعلى الكلام الجميل يا وردة .. والله نورتي الموضوع ..[/color][/size]
[size=4][color=blue]ورفعتي معنوياتي ههه .. اجمل تحية الك يا غالية[/color][/size]
[/center]

[quote=اردنية وافتخر*;642035]توقعت نهاية عنيفة
ههههههههههه[/quote]


[center][size=4][color=magenta]ههههه لا يا غالية مهو مو هون المشكلة[/color][/size][color=magenta]
[/color][size=4][color=magenta]المشكلة انو انا عصبي وكان احتمال كبير اعمل مشكلة معو[/color][/size][color=magenta]
[/color][size=4][color=magenta]بس للاسف نقطة ضعفي وللي هي خوفتني وخلتني اضلني ساكت واجيه بطريقة منيحة هي انو لو صارت مشكلة بيننا بامكانو يحرمني من المادة وبعدها هات اخلص..[/color][/size][color=magenta]
[/color][size=4][color=magenta]عشان هيك ؟؟!! انا طلعت زي المسكين شايفة كيف حظي؟[/color][/size][color=magenta]

[/color][size=4][color=magenta]اجمل تحية لمرورك[/color][/size][color=magenta]
[/color] [/center]

[quote=سيف ابو علوان;642105]زين ما اعملت ب الهداوه كلش بنحل[/quote]


[center][size=5][color=blue]والله على راسي يا سيف انت ومرورك..
بس الهداوة اكيد بتحل كل اشي..هاي اول مرة باجي مع واحد بالهداوة .. ههه عشان في اشي بيضرني لو ما اجيت بالهداوة
ههه
[/color][/size] [/center]