أشهد ان الحب قاسي

أشهد ان الحب قاسي لو هواوي به تغنا...لو تبسم خالين كلما تذكر زول خله

واشهد انه ما تعلق بالهوى غير المعنا...لو يكابر في نهاره بالسحر دمعه يهله

واشهد ان العاشق اللي فوق رجمه لا تثنى...يبكي الرجم لحنينه لو يجر الصوت شله

واشهد ان الناس كلن له خفوقن ما تهنا...يستر طعونه ثويبن تحته من الشوق عله

واشهد انك يالليالي بك صدورن يشهقنا...ياكثر خد بسوادك من دموع الوجد بله

والهني منهو بيحوي طاهره قربه تمنا...والعهد من عادهم ورعان ما زلزله زله

والحكم للخالق اللي له جباهن يسجدنا...عادلن في حكمه اللي به يدير الكون كله .
‏_‏____
منقول : جديد اخي وشقيقي الأكبر سفير المشاعر حفظه الله .

مشكور