...صعبه أشوفك...

[color=red][size=4]مثل الرموش بقربها لعين مغليك.
قريب أحسك... بس صعبه أشوفك

وين انت قلي وين قلي وانا اجيك
أجيك حلمي بس لمسة كفوفك

أموت وأحيا بس اشوفك والاقيك
ماهمني بعد المسافه وخوفك

سلمت لك قلبي تحت رحمة ايديك
روفه امانه مثل ماهو يروفك

حرام قلب تذبحه ميت فيك
مايكفي موته يوم مات بوصوفك

وشلون طافك حزن نبره تغنيك
وانته ولابه شي واحد يطوفك

كل المشاعر في غيابك تحاتيك
أسمع صدى صوتك وأناجي طيوفك

أي والله أسمع بس ماأقدر أحاكيك
غابت شفاتك بس بقيت حروفك

لو أن صوتي يوصلك يوم أناديك
ماصار عذرك في غيابك ظروفك

وشلون قلي بس وشلون الاقيك
دامك بعيني بس ماأقدر أشوفك[/size][/color]