اصحاب الخبرة رجاء

[جهاددرويش]

السلام عليكم ...
سؤال مستعجل ....
اخي شو الفرق بين الشاشة 42 بوصة فيها 3 مداخل hdmi ... و الشاشة42الي فيها 3 مداخل hdmi بس full hd

[ابو المؤيد]

اخي العزيز الشاشه ال full hd افضل دائما افضل
وافضل النوعيات سامسونج

[جهاددرويش]

يعني في فرق بينها و بين العادية .... مع انو التنتين فيهن hdmi

[جهاددرويش]

اخي في شاشتان بأي وحدة بتنصحني هي المواصفات :
الاولى :Panasonic Plasma TH-P42X30M
42" Screen Size
Mega Contrast Ratio
3HDMI , 2USB Movie Player
SDHC Movie Player, Ethernet
DLNA , Wi-Fi Ready

الثانية : G-GUARD LCD GG-42
42" LCD Screen Size
Full HD 1920 x 1080p
Contrast Ratio 200,000:1
3 HDMI
3 USB

[zakarea1]

led= احسن واحسن

[جهاددرويش]

شو بتفرق الlcd عن الled

[ابو المؤيد]

والله يا اخ جهاد انا انصحك بالسامسونج 42 انش Full HD

[جهاددرويش]

led ولا lcd وشو الفرق بينهم

[عبدالله جلال]

يا غالي نصيحة بكل امانة ان شاء الله

اذا بدك تشتري لا تقرب على البلازما.....اول شي مش فل اتش دي يعني بس مناسبة للقنوات الاتش دي بجودتها الحالية لكن قريبا رح تصير تبث بفل اتش دي و مش رح تعطيك النقاء الاصلي نقطة ثانية و مهمة اي ضوء او الشمس بعكس عليها و بتخرب على الرؤيا

هسه الفرق بين إل سي دي و إل إي دي ......
إل سي دي في منها فل اتش دي و في منها نص اتش دي ...و في اشي بسموه الكونتراكس بتراوح من 50000 الى 200000 نقطة في البوصة
إل إي دي......كلها بتيجي فل اتش دي و بتيجي سلم سماكة الشاشة قليلة جدا جدا و صورتها اعلى بالوضوح و المستقبل الها بالاضافة لموضوع الكونتراكس بكون من 3000000-15000000 نقطة في البوصة طبعا السعر بالنسبة للكونتراكس يعني ام الخمسة مليون سعرها مش زي ام العشرة مليون لكن سعرها قريب من سعر الـ إل سي دي و بتظل افضل منها

اذا عندك امكانيات اشتري شاشة إل إي دي و تكون ماركة و هاي افضل الماركات بعد مقارنة طويلة و مشاهدة عند بعض الاصدقاء و الاقارب..سوني- سامسونغ- إل جي- بانسونيك-تومسون

او اذا الامكانيات محدودة اشتري إل إي دي "كونيكا" سعرها تحت ال450دينار ..... عن تجربة و سعرها ممتاز و نظيفة و صورتها مرتبة ........نفس وكيلها ببيع اوبن ستار دير بالك ما ترد عليه لو قلك نفس المصنع الكواليتي بتختلف

و اذا بدك اشي ماركه و جودة ممتازة و سعر ممتاز بالنسبة لاسم الماركة تومسون سعرها ممتاز بالنسبة للسامسونغ و السوني .......التومسون اغلى بشوي من الكونيكا لكن بتظلها صناعة فرنسية

و بالنسبة لموضع الـ إتش دي إم آي فهو مدخل الي إتش دي الي بدل الاوديو فيديو ...و بنصحلك بان لا يقل عن ثلاثة بالشاشة و ان لا يقل في الشاشة كمان عن 2 يو اس بي


اتمنى اني اكون فدتك شخصيا و الاعضاء الباحثين عن هذه الامور بشكل عام

[عبدالله جلال]

و نسيت اضيفلك انو الـــ إل سي دي و الــ إل إي دي ......بتشتت اي ضوء بيجيها مباشر و ما بتقعد تلململك اي ضو موجود زي البلازما

[جهاددرويش]

اخي شو رايك بهاي الشاشة و مواصفاتها :
DENKA LED ZS-42LED
42" Screen Size
Full HD 1920 x1080P
Contrast Ratio 1,000,000:1
2 HDMI , USB

[كمال ابو مالك]

مشكووووووووور _ انت أفدت الجميع ومش يس صاحب السؤال - كمال ابو مالك

[ghamdan]

تاكد من Full HD 1920 x 1080p
المداخل والمحارج لا تهم
معظم الشاشات بها نفس البانل مهما اختلفت النسمية لاته فى العالم يوجد عدد قليل من مصانع البانل وما يتغير هو اسم المنتج ا
والبانل درجات
الافضل 1080p
Grade A+
zero dot

[جهاددرويش]

و في هاي الشاشة كمان :
Hyundai LED HU-LE42
42" Screen Size
Full HD 1920 x 1080p
High Contrast Ratio
2 HDMI , 2 USB
PC Input

[جهاددرويش]

يا جماعة اذا في مجال اعطوني اسم و نوع شاشة كويسة و ماصفاتها جيدة و تدعم الاتش دي و سعرها 450-550 دينار .... ساعدوني يا جماعة ؟؟؟

[عبدالله جلال]

Konka led 42 - 444jd
الكونتراكس بيجي 3000000 في البيت عندي منها

thomson led 42 والله ما بعرف سعرها لكن قبل فترة شفتها عالجريدة كانو ب550 اقل او زايد عشر دنانير مش ذاكر
الكونتراكس بيجي 5000000 والله العليم

على الوسيط و الممتاز بتلاقي وكلائهم ...و من الافضل شرائها من المولات الكبيرة للاجهزة او الوكلاء لانو السعر بكون صحيح اما المحلات العادية برفعو السعر


و بظل الارتياح النفسي للقطعة هو الاساس و الي بقلك اياه راسك سويه لانو لو ما كانت ممتازة لكنك مقتنع فيها فهي الافضل ...و استخير

و للعلم الشاشات نفس الاشي زي ما قال الاخ غمدان عدة مصانع محدودة بتصنع الشاشات لكن الي بختلف هو الكوالتي النهائي زي السماعات و الكبسات و المظهر العام ......الكونكا عندي الحمد لله ممتازة اخدتها ب500 قبل 7شهور لكن ما شاء الله عليها ...اما الاوبن ستار اشتراها خالي الصوت بس يعلا بتصير تشوش اقل سعر شوي لكن فرق بالجودة---النوعين الي ذكرتلك اياهم ان شاء الله كويسات جودتهم عالية و سعرهم ممتاز انت شوفهم و قارن بين المواصفات و السعر و شوف صورتهم ...و الله يسر امرك و يرزقك ما تتمناه

[جهاددرويش]

مشكور يا غالي ... بس الكوينكا كم مخرج فيها ... يعني hdmi و usb

[جهاددرويش]

وشو معنا الكونتراكس

[Alomoor]

السلام عليكم
أخي بتنصح في شاشات الـ G.Guard LED بحكوا كورية وجيده جداً!!! وسعرها كمان.
بخبرتك, شو رأيك؟

[mohdeer]

شكر ا لمعلوماتك المفيدة