اضبط قمر هلا سات بايدك

[fadisami]

مرحبا جميعا اخواني
اصبح الترددات قمر هلاسات المعروفة ضعيفة نوعا ما وبعض الاحيان لا تلتقط
علا صحن 60 سم
لدا اسهل طريقة لتقوم بضبط الصحن
1 اجعل مخرج الاقط الا الاسفل مباشرة
2قم بوضع التردد11078/v/4070
3قمر بتوجية الصحن بتجاة القبلة وابحث علا الاشارة
4هادة الاشارة سهلة جدا علا صحن60 وتلتقط بشكل سريع
5بعد تثبيت الاشارة وتثبيت الصحنقم في الخطوة الاخيرة
6ضع التردد12524/h/30000وتاكد انو التردد اجا معك
ادا اتا هادا التردد خفيف قم بلف الاقط قليلا بحركة دائرية
بعد ضبط التردد
مبروك اصبح الدنقل يعمل لديك بدون فني

[RAED RXR]

والله العظيم جبت الفني قبل شوي وحاول يعاير الصحن 60 على الهيلاس وما لقطو للاسف

وراح وحكالي بنكمل بكرا

[fadisami]

اضبطو انتا اخي ادا عندك وصلة كهرباء طويلة بعينك الله او اعزمني علا عشا منسف وانا باجي

[RAED RXR]

حياك الله ابشر يا محترم

هو بس يزبط الاول والله تجمدت من شوي وانا على السطح

ولا راضي يلقط اشي


:(

[fadisami]

اخي جربت الطريقة الي حكتلك عنها اكيد لاء لانو انتا كنت مع الفني ولالفني الي يشتغل
شو بدي احكي صار اي واحد يصلح ستلايت بيتو او صاحبو يروح يفتح محل شوفنا كتير وياما رح نشوف
فني ستلايت مبارح رحت اسوي شغلة وهو هناك ما عرف يحلها رحت لقيت انو سلك جديد مو جايب اشارة سلك قلتلو لا حولة ولا قوة الا في الله اول قص من السلك شوي وطلعلو ابرة الاخ حاطط اوف كنكتر علا الجهتين والسلك متل ما هو وبقلك انا الي 5 سنين معلم

[RAED RXR]

لاحول ولا قوه الا بالله

حسبنا الله ونعم الوكيل

[fadisami]

اخ رائد ممكن تكتبلي اسم منطكقتك بدون عناوين او تلفون
بس اسم منطقتك الحي

[RAED RXR]

حي نزال منطقة بدر

[حسام موسى]

السلام عليكم...

انا قبل حوالي شهر قمت بضبط اللاقط على قمر الهلاسات وبدون فني... بس الصحن الي عندي 180 سم يعني حوالي ساعتين اخد وقت....
والتردد الخاص بالدنجل وهو 11459 افقي 2950 ما جاب اشارة اكتر من 45% واشتغل عليها الدنجل... بس المشكلة انه لاقط الهلاسات بعد العربسات فأنا عامل مسطرتين ما ثبت معي كويس يعني اذا اجا هواء قوي بخف التردد وبفصل الدنجل... بس رجعته على w3 وهسا شغال ممتاز كتييير وان شاء الله يستمر...

الواحد لما ببرمج شغلة بنفسه بشعر بحلاوتها... يعني وانا بعاير في اللاقط كنت مستمتع

[RAED RXR]

والله يا اخ حسام انت عندك طولت بال نيالك

[fadisami]

اخ حسام هادة الاشارة11459 كانت تلتقط علا صحن 60 بمعدل 65
ولاكن للاسف الان صعب التقاطها

[حسام موسى]

اخي raed ....
المشكلة الواحد بجيب فني عادي وبحاسبه ما في مشكلة... بس وين الموضوع : الفني بدو اياك تروح تجيبه بسيارتك وبعدين بس يخلص تروحه بنفسك... وبحكيلك اذا في مجال تجيبلي تلفزيونك على السطح... يعني قصة وبطلب سعر مرتب من 8-10 دناتير اقل واحد فيهم.... واحد بحكيلي بما انه عندك صحن 180 سم وعليه 3 اقمار (نايل سات وعربسات وهلاسات) باخذ منك 12 دينار لأنه الموضوع صعب... مع انه صحن 180سم بسهولة بيقدر يبرمجه....
كمان في نقطة مهمة كتيير: الفني بجيب معاه رسيفر حساسيته عالية للاتقاط الاشارة بتساعده كتييير ... ما برضى يستخدم اي رسيفر على شان هيك ببرمج اسرع منا...

[حسام موسى]

أخي فادي تأكد من الخبراء التردد المعتمد

[RAED RXR]

والله معك حق

ما بحك ظهرك غير ظفرك

[fadisami]

ههههههههههه حساسيتو كتير عالية يا اخي اول شي اكتر الفنيين معهم تلفزيون ادا ما معو مش مشكلتك بقلو اللله معك لانو المكتوب مبين من عنوانو
اما انو اجهزة عالية الحساسية يعني عندو بدها تجي 100 وعندك صفر الاشارة لاء اخي
الاجهزة المفضل التقاط الاشارة عليها هو جهاز واحد في النسبة لي لا يعلا علا جهاز لورنس 7000dلا يوجد بعدة لنضام الاشارة
واخي رائد انا سالت عن المنطقة بعيدة علي شوي لو كان الوقت ابكر شوي اجيت واعملتلك القمر عربون محبة مجانا

[fadisami]

اخي متاكد 100% في 100 وما بحط تردد انا مش وتقان منو
والتردد ياتي بقوة كبيرة كمان

[مر ا د]

اخواني الي بقول ساعتين وما التقطت الي بقول جبت فني وما التقطة ولله على التلفون عيرته على صحن ستين جيقارد فقد قومو بقلب البراغي تبعات الصحن الجيقارد التقطو الهوتبيرد واتجهو الى قمر الهيلسات بثمنطعشر سانتي بجهة الشرق

[RAED RXR]

شكرا الك يا ريتك قريب علينا

حياك الله

[حسام موسى]

كلام الاخ مراد ادق اشي.... لازم شوية تحريك للصحن هاي انا اكتشفتها بعد ما قعدت ساعتين وما زبط 100%... اذا فصل ال w3 رح احوله بنفسي على الهلاسات مع تحريك الصحن قليلا

[fadisami]

ههههههههههههههههههههههههه اقلب البراغي يا خوي شو دخل البراغي الله يوفقك افضل حصن 60 لالتقاط اشارة الهلا سات هو الجيقار ههههههههه براغي الله يسامحك صح انتا قلبتهم بس ما الهم علاقة في الاتقاط الاشارة

[kingbat]

يا اخوان صلو على النبي كلام الاخ فادي سليم 100% انا سكان السلط و اكثر من فني حكالي ما بيزبط الهيلاسات على صحن 60 سم مع العلم اني قدرت اضبط الثور و هو صعب جدا" في منطقتي و قلت والله غير اجرب انا صحيح اني اتجمدت لمدة ساعة متواصلة وانا اشتغل بس قدرت اضبط الصحن في البداية على رسيفر لورنس حصلت على اشارة 32 و بعدها قمت بشد براغي الصحن للمحافظة على الموقع وقمت بارخاء برغي اللاقط و تحريكة حتى اصبح مخرج اللاقط للاسفل و حصلت على اشارة 72 و هي الدنجل شغال زي الليرة الذهب و بكرة بالنهار بدي اصور الصحن و انزل صورتة عشان تشوف الوضعية

[حسام موسى]

أخي Kingbat ....
يعني العملية بدها تحريك شوية للصحن ... وبعد ما نثبت الصحن بدها شوية تحريك للاقط من خلال ترخية براغي اللاقط...
والله تحية خاصة الك لأنك قدرت تبرمجه لحالك.... الفني بيقعد بيخترع شغلات ما انزل الله بها من سلطان

[SHALABY]

اخي الكريم فادي لما بكون الصحن الجي جارد ال 60 سم موجه على النيلسات وبدك توجهه على الهالاسات مش لازم تفك البراغي الي ورى الصحن عشان يقلب ورى ولا لا يامعلم؟

[love789787]

يا اخي انتا ليش حيك يا حسام انتا ما بتعرف انو تردد لي لزم يجي معك هو تردد 11459 h معدل ترميز 2950 قطبية 3/4 يا خي تاكد من معلومتك قبل اضافة اي موضوع مع كل احترم اخي هذا هو تردد الدتا لي الدنجل اذا اجى هذا تردد 40% ما فوق يعمل ادنجل بشكل ممتاز

[ayham1971]

كلامك صحيح 100% لازم تغير الوضعية لصحن الجيفارد 60 سم

[حسام موسى]

أخي love789787 العزيز...
وين الغلط بكلامي ارجع وشوف انا شو كاتب نفس ما انت كتبت على التردد الخاص بالدنجل ما في تضارب.... بس شكلك انت مش قارىء كويس.... مرة ثانية الله يبارك فيك اقرأ كويس وما تتسرع بالحكم.... انا اذا اشي بعرف فيه وجربته بحكيه غير هيك بترك الموضوع للخبراء....


لا تتسرع اخي العزيز

[fadisami]

اخ شلبي تغير وضعية الصحن تختلف عن قلب البراغي الاخ انا علقت علا اخ حكا اعكس البراغي الي بوجة الصحن يعني بتسير السمونة بوجة الصحن بدل خلفة هو هيك كان معنا ردو اما تغير وضعية الصحن ف الكل عارف انو لازم يغير وضعية الصحن مشان يرتفع معو الصحن الا الاعلا
شكرا لكم جميعا ويا اخوان تردد الداتا 11495حاليا صعب التقاطو علا صحن ستين وحتا علا صحن كبير
سوف تلاحض انو الاشارة بتجي وبتروح الي معيرين الصحن من اول سوف تكون عندهم موجودة بس علا علا عيار جديد سوف تكون صعب التقاطها بشكل جيد لدالك وضعت مشاركة بطريقة اخرى لكي لا تتغلب كتيرا

[kingbat]

:Jo1Sat_S (25)::Jo1Sat_S (25)::Jo1Sat_S (25)::Jo1Sat_S (25)::Jo1Sat_S (25)::Jo1Sat_S (25)::Jo1Sat_S (25):اخواني هاي مشاركة بسيطة مني الصور من عندي للتوضيح و للعلم استخدمت رسيفر سمارت m1 PLUS للتعيير لانه حسيت انه حساس للاشارة ومرة اخرى بذكر انتبه لوضعية اللاقط يعني بجوز تكون موجه الصحن 100% بس ما في اشارة بكون عليك تحرك اللاقط كما في الصور و حصلت على اشارة 69 على رسيفر لورنس 9400 CR و شكرا لكم و اي شي انا جاهز احنا بخدمة الشباب الطيبة وبخدمة منتدانا العظيم



:Jo1Sat_S (25)::Jo1Sat_S (25)::Jo1Sat_S (25)::Jo1Sat_S (25)::Jo1Sat_S (25):

[جهاددرويش]

مشكور ياغالي ... بس اعتقد من منطقة لمنطقة تختلف التعايير

[kingbat]

ولو يا غالي بس اذا كنت بعمان ما بختلف اشي و بدها طولة بال و اذا بدك بتابع معك لحد ما يزبط معك

[zakarea1]

انا اشتغل معي على صحون 60 التاليه 1- دان سات 2- بكسز 3- اوبن ستار 4-جي ستار 5- نيوسات
اما على صحن جي غارد 60 سم لم يعمل

[مصعب ابومدين]

يعطيك العافيه اخى الكريم

[لبيبة3]

الفني الي جبتو طاب على الصنعة طبة صرت معير 10000صحن عللى الهلا سات على صحن 60سم ولا اسهل من عيارة وانت مغمض بتجيبو عمر النادي موفق عزايزة الرمثا

[البدوي]

اخي صحن 60 يلقط الاشاره حوالي 60 % وهذه كافيه لتشغيل الدنجل وكما افدا الاخ فادي ضع اتجاه لاقط للاسفل وما بده غلبه بيجي براحته

[البدوي]

وعلى فكره بدك تقلب البراغي على شان يقلب معك اكثر لانه اذا ما قلبت البراغي مش راح يجي

[fadisami]

قلب البراغي يعني البراغي الي ورا الصحن مشان الصحن يرتفع معك للاعلى
صحن جيقار علا قاعدة الماسورة يوجد فتحتين مربعات
فتحة مربعة تحت وفتحة مربعة فوق
دائما بنشبك المربع الي فوق علا البرغي الي فوق
والجسر الي تحت علا البرغي الي تحت
يجب عمل العكس المربع الي تحت علا البرغي الي تحت
والجسر الي فوق علا البرغي الي فوق
وهادا سوف يكون الصحن جاهز لالتقاط الاشارة بعد عمل الخطوات التي في بداية المشاركة وشكرااا

[حسام موسى]

جهودك مشكورة اخ فادي.... اذا فصل كليا على الدبليو 3 بدي اتبع الخطوات الي حكيتها واحوله على الهلاسات... يبدو انك خبير كتير يالشغلة هاي.... بارك الله فيك

بس للأمانة شوقتني ابرمجه

[RAED RXR]

نان سكان عمان وقبل شوي نزلت من السطح كن بعاير الصحن 60 جيغارد

كنت بعايرو على الهيلاس ومالقط معي

هل لازم احرك اللاقط لتحت يعني اخلي مخرج اللاقط لتحت؟؟

[kingbat]

اخي شوف الصور اللي بالمشاركة ولا تنسى تقلب البراغي عشان يرتفع معك الصحن واذا بدك بتابع معك

[RAED RXR]

يا اخوان قبل شوي خلصت من عيار الصحن 60 جيغارد انا والفني
والاشاره الان عندي اضغف تردد 47 واعلى تردد 90 على رسيفر تايجر

لكن الدنجل مو شغال والدنجل مبرمج على الهيلاس وعليه الاصدار 1.82

والتردد 12525 افقي وعمودي على 30000
عالي جايب 80

ماهو التردد الاخر؟؟

[kingbat]

جرب 11078 ترميز 4070 v اخي

[RAED RXR]

هذا التردد جايب اشاره 41

[qasim]

يسلموا اشتغل معاي ميه ميه وصحن جيقارد

[kingbat]

اخي رعد الصحن هيك 100% نزل سوفت 1.83 و تاكد من اعدادات الدنجل واعمل ضبط مصنع و حط خيار القمر على hs واستنى تغيير الصلاحية خلال دقيقتين واذا ما تغيرت افصله من الكهرباء و ارجع شغله و ردلي خبر انا متابع معك

[RAED RXR]

اخي الكريم مبارح جربت دنجلي عند صاحبي واشتغل تمام وعليه الاصدار 1.82

والاعدادات عندي على hs