مشكله صعبه في الدنجل ومابقدر يحلها الا العبقري

[عمر كريشان]

عندي دنجل ما يكروبوكس 1 غير مغير الفلاشه تعطلت عندي قبل فتره الوصله اللي بين الدنجل والكمبيوتر فوجدت عندي ايد اتاري بتركب مدخلها نفس مدخل الدنجل وشبكتها وعدلت عليها بس شكلي ملخبط في الوان الاسلاك ونزلت سفتوير التحويل وحمل جها وحدي من الخط الازرق تاع السفتوير والخط اللي تحت ما عبا وبعدها بطل يقبل ولا سفت وير وفلاش دانب ولا اشي وبعدها اشتريت وصله جديده وجربت بطل يقبل اي اشي فذهبت وشبكت الدنجل على التلفزيون مبين كل اشي الارقام والشاشه الزرقا تمام مافي اشي وضواحمر بس البهدلي انو بطل يقبل ولا اشي اطلاقا بعد ما جربت كل سفتويرات تبعات الاخطاء وما زبط ارجوكم بكرا مباراه البرشا والريال اللحقوووووني

[ابو طارق]

اذهب الى اقرب محل الكترونيات تجد هذا الكوم موجود عنده بثمن دبنار او دينارين

[فارس الاردن 98]

اذا كانت الوصلة شغالة فاتبع التالي :
1) اعمل كلين للدنجل(السوفت مثبت بالمنتدى).
2) نزل السوفت وير عبر احد اللودرات الموجودة بالمنتدى.

يرجى موافاتنا بالنتائج...................... .......

تحياتي للجميع........................ ......................

[عمر كريشان]

يااخ فارس بطل يقبل ولا اشي لا سفت كلين ولا شي ارجوكم فيدونا

[فارس الاردن 98]

الحل سهل لو كان الدنجل موجود أمامي.

عموما المايكروبوكس 1 المنتهي الصلاحية متوقف عن العمل حتى هذه اللحظة.

[أبو رأفت]

استخدم اللودر المرفق وأعطيه الفلاش دامب , عدل الخيار الأول إلى com1 واترك الباقي .

[hamed slama]

انا برئي انو تتاكد من فتحه الكوم بالكمبيوتر بجوز انها معطله او ما بتوصل داتا للدنجل تاكد منها اول شي وشوف شو بصير معك ....تحياتي

[عمر كريشان]

عشت ابو رافت غيرت الكوم وكل اشي تمام بس لو ممكن شرح بسيط كيف انزلو لانو اول مره بشوف هيك برنامج لو شرح بسيط رووس اقلام

[أبو رأفت]

أولآ إغط app file تظهر لك النافذه التي عليها الدامب , تختار الدامب كالمعتاد باللودر الآخر .
ثانيآ تضغط open .
ثالثآ تضغط link , ثم توصل الدنجل بالكهرباء .

[yah.9999]

استخدام اللورد الميكروبوكس 2 وان شاء اللة يعمل

[عمر كريشان]

اخ ابو رافت جربت اللودروالفلاش دانب صار يطلع مثل الاسهم وما زبط شي وجربت لودر المايكروبوكس 2 وما زبط اذا في حلول ثاني ارجو الافاده واذا مافي منو العوض وعليه العوض

[أبو رأفت]

هو هيك اللودر أخي بيعطي أسهم , خليه لحتى يكمل , بيوخذ وقت شوي اصبر عليه .

[عمر كريشان]

طيب بدي اصبر يا ابو رافت الله يحفظلك رافت ويحفظك بخبرك بس يصير اشي

[أبو رأفت]

أخي هذا اللودر لودر ترقيه للمايكروبوكس , يعني المفروض يحل أي مشكله من مشاكل الضوء الأخضر أو عدم قبول السوفت ....
وبدي أحكيلك شغله أخيره , إذا التلفاز عندك في av1 &av2 @ av3 حاول تغير من إلى لما تشبك الدنجل بالتلفاز .

[عمر كريشان]

بستنا فيه قاعد حتى يترقى وبعدين رح اشوف التلفاز عندي فيه هذي الانظمه اللي حكيتلي عنها وبعدها رح ابحث على قناه اجنبيه تبث المباراه اذا ما زبط الدنجل الحمدلله معاي اشتري كرت الجزيره بس ما بدي انفع الجزيره الرياضيه نهائيا لانهم بكبو مصاريهم على شغلات فارطه مثلهم وانا يدوب بحصل رزقتي وررزقت عيالي بس شو اسوي مدمن مباريات وخاصه الريال اللي رح يجلطني اذا خسر اليوم

[عمر كريشان]

اخ ابو رافت عملت اللي قلتلي عليه ونزلت سفتوير الترقيه وغيرت الكوم الى 1 وقعد نص ساعه وهو بترقى وما تحرك ساكن ولا رضي يقبل سفت كلين ولا دانب بلكي اخر محاوله عندك او حل اخير نجربو

[أبو رأفت]

طيب آخر محاوله , ارجع افتح اللودر , وغير لكوم 1 وف خانه مكتوب فيها upgrade اضغط السهم واختار erase

[fadisami]

يا اخوان ليش كل هي المطبات مع شكري للتابعة الرائعة الودر الخارجي مايكرو تنين حتا لو الضو الاخضر ما بضوي المفروض يقراء اخي الجواب عندي للاسف اخي الكريم شبكة الوصلة تاعت الاتاري ضربت عندك مدخل الكوم من الكمبيوتر الحل الافضل اخي افتح جهاز الكمبيوتر واتفرج علا المدر بورد في مداخل علا المدر بورد بكون مكتوب جمبها كوم علا شكل المدخل روح اشتري كوم في مداخل بتكون تلت ابر وفي مداخل بتكون 9 ابر وادا غير متوفر هدول بدك تشتري كرت كوم بلت ان حقو وكالة 5 دنانير بجي معو سي دي تعريف وشكراااا ملاحضة هاد الحكي عن خبرى يعطيكو العافية الجميع لو لاحضتو الاخ حكا شبك الدنقل علا التلفزيون اجت شاشتو يعني ما في اي مشكلة

[عمر كريشان]

مع احترامي لابو رافت عمل اللي عليه وزياده بس اخي كلامك vib هي واحد ثاني بحكي مثل كلامك انا عندي الدنجل على التلفزويون شغال تمام بس ما بقبل سفت وير واخي ابو رافت اعطاني اكثر من حل وما رضي ينزل ولا سفت وير وسرت اشك في الوصله الجديده وفتحتها وكل اشي واصل تمام والصراحه صارلو الدنجل عندي 3سنوات ولا عمرو صار هيك اما يومت ما حطيت ايد الاتاري ولخبطت الاسلاك بطل يقبل اشي مطلقا وانا ارتحت لكلامك ورح اغير الكوم لانو مضل حلول اخرى ورح ارد خبر للمنتدى الف شكر لكل واحد ساعدني ابو رافت وكل المحترمين في النتدى الرائع

[fadisami]

اهلا بك اخي عمر اعتدر عن هادا الخبر ولاكنها الحقيقة يجب تغير الكوم كاملا لانو صارت معي كمان وما خليت طريقة الا وجربتها مشان صيانة الكوم القديم ولاكن الكون حساس لدرجة شديدة اي خطء يضرب مباشرة اعتدر مرة اخرى وهادا منتدى الرئع في الفعل حيث تجد مساعدات ومتابعات الا النهاية ودائما ما تكون نهاية سعيدة اشكر الكل ايضا واشكر ابو رافت لمتابعه الرائعة

[عمر كريشان]

اخي vib بقدر انا افك الكوم واغيرو من السوق بدون ما احمل الكيس كلو واودي على محل الكمبيوتر شورايك اخي العزيز

[basm ali]

تاكد من الاسلاك في الوصله بكون واحد مفصول او مقطوع
صارت معي تعبت وهو ما بقبل لقيت السلك منقطع

هلا مركبهم تركيب ومعريات

[عمر كريشان]

اخي vib رحت لمحل الكمبيوتر قالي كمبيوترك حديث وما في الها كوم جديد وهذي ما بتخرب بسهولي بس فحصها لقاها خربان فيها بعض البرامج قالي بدها بس سيدي تعريف وبتزبط من عن النت بس ما عندو سيدي تعريف حسب خبرتك من وين بحصل سيدي تعريف من النت وشو اسم السيدي تاع التعريف للوصله الكوم بالكمبيوتر

[فارس الاردن 98]

المشكلة في اللودر

[فارس الاردن 98]

جرب اللودر التالي

[عمر كريشان]

اخواني بعد كل هالتعب واسبوع وانا بقالب في الوصله ورحت اصلح الكمبيوتر وطلعولي فيه ميت عيب اخر اشي وجدت الحل واشتغل الدنجل وحمل السفت ويربسرعه طلع السبب من الوصله اللي اشتريتها جديد من تبع الستلايت 5 دنانير قلت بدي افكها وامري الى الله وجدت سلك الازرق مقطوع وصلتو وزبطت تمام نصيحه للله اللي عندو الدنجل بطل يقبل سفتوير يتاكد من الوصله حتى لو كانت جديده في ورقتها لانهن نوعيه ناكت اللحام فيهن بنقطعن بسرع الف شكر لكل من ساعدني ولم يساعدني ومشكوووور يا احلى منتدى

[فارس الاردن 98]

اوكي حمدا لله

[أبو رأفت]

مع احترامي لابو رافت عمل اللي عليه وزياده بس اخي كلامك vib هي واحد ثاني بحكي مثل كلامك انا عندي الدنجل على التلفزويون شغال تمام بس ما بقبل سفت وير واخي ابو رافت اعطاني اكثر من حل وما رضي ينزل ولا سفت وير وسرت اشك في الوصله الجديده وفتحتها وكل اشي واصل تمام والصراحه صارلو الدنجل عندي 3سنوات ولا عمرو صار هيك اما يومت ما حطيت ايد الاتاري ولخبطت الاسلاك بطل يقبل اشي مطلقا وانا ارتحت لكلامك ورح اغير الكوم لانو مضل حلول اخرى ورح ارد خبر للمنتدى الف شكر لكل واحد ساعدني ابو رافت وكل المحترمين في النتدى الرائع


الله عليك يا كريشان , وبتقولي الوصله جديده , يا رجل نشفت دمي .

[عمر كريشان]

هههههههههههه والله اشتريتها مبارح من محل الستلايت بخمس دنانير بس شو اعمل نصب واحتيال اسف جداا ابو رافت يا ابن الاصول