المساعد الشخصي الرقمي

مشاهدة النسخة كاملة : خيــر الكــلام الذكــر ,,,



raad
30-11-2011, 09:18 PM
إذا شفت الزمن مقفي بعينه نية التجريح


رهنت النفس للعليا إلين تموت مرهونه





ترى خير الكلام الذكر وأشرف مفرده تسبيح

ودنيتنا قصيدة وأعتقد ما هي بموزونه



يطيح المزن لكن السحابة ثابتة ما تطيح

مثل مداتنا لامن عطينا جات مضمونه



و أنا ماني بطير صاده القناص بالتلويح

أنا طير على الغيمة يحوم و لونها لونه



من التلميح ما يكفي عن الشرح ومن التلميح

ما يجرح لي زوايا خافقي ويحطم ركونه



قصيدي كان ما بكى السحاب ولا استثار الشيح

يمين الله.. لأطبع بنات الفكر من دونه



أعسف القاف للمعنى مثل عسفي ببنات الريح

وتجي قافي مثل شيخ بني عمه يحشمونه



أنا أعشق بكل إحساس لكن مستحيل آصيح

أنا لي هامة عيت تطيع الذل .. مجنونه



أنا سدي حفظ سر الكلام ولا أحب أبيح

و عذالي تعرف قيمتي بروح مغبونه



عجزت أداوي آهات الشعوب وفكرة التسليح

وإذا جيت أشعل أهرام الظلام مات فرعونه



وإذا عيا على الظامي نهر دجلة وعين السيح

من يلوم الحزين ليا انتثر دمعه من عيونه



أبا اشبح دام ما يقبل ميول الفكرة التصحيح

وأبا أرقى للنجوم الي تبا موتي على هونه



ترى طعن الظهر غادر و لا يحتاج له تصريح

ولدغات الحنش تقتل وخص إن جات مدفونه



يقال إن الأساطير القديمة ما تبي تنقيح

وسنون سممت تقتل ولو ماهي بمسنونه



أنا ما خفت من برد الضلوع وقسوة التبريح

أنا ألفظ كل زفرات الغلا واللي تعرفونه



أنا أخاف أنثر بيوت القصايد في مهب الريح

وأجرح مهجة الإحساس والقيفان ملعونة

ابو حاتم-
01-12-2011, 01:28 AM
يعطيك العافية

mody sat
01-12-2011, 02:54 PM
سلاسِلٌ مِن الجَمال.,
تُطَوقُ حُروفَك المُتَنَاثِرة.,
سلمت أَنَامِلك ياطُهر.,
دُمْت بِنَقَآء.,
وَدَآمَ حَرفُك.,

فوح العبير
02-12-2011, 10:20 PM
الله الله ما اروع هذا الكلام
واعذب هذه القوافي
تحملني على اجنحة الخيال
بلا مهره
والحنين خيًال
سلم قلمك ودام ابداعك
فوح العبير++حادية القمر