رائد الغالي مساعده

[محمد ابوزيد]

رائد انا عندي جهازلاب توب عليه نسخة سفن اصليه من شركته صار فيه بعد الاخطاء منها انو العاب الويندوز بطلت تشتغل في طريقه اعمله اصلاح من غير ما تتاثر النسخه الاصليه يعني غير الفرمته

[Raed Saadeh]

ايوا فيه
لكن انا هلأ مو على جهازي ..
انتظر مني لو قدرت اصورلك شرح عالتلفون بالصور راح اعمل ..
ولو مات قدرت بعطيك شرح وافي بعملك اياه ..
بس اعذرني مو هلأ كمان شوي بس ادخل من جهازي ..

اجمل تحية ..

[محمد ابوزيد]

خد راحتك يا غالي براحتك لما تكون فاضي

[Raed Saadeh]

بــــــــــاكـ ..

اسف عالتاخير ..
المهم ..

اخوي هلأ المشكلة انو احتمال يكون فايروس مشان هيك ..
روح نزل مضاد فايروس قوي متل الكاسبر انترنت سيكيوريتي 2011 ..
وافحص الجهاز كامل ونضفه .
رست الجهاز وارجع افحص ..

وبعد الفحص التاني جرب شوف الالعاب اشتغلت او لأ ..

لو ما اشتغلت ..

جرب نزل دايركت اكس جديد .. مقوي الالعاب الحديث . طبعا موجود ابحث بالقسم التقني عنا بتلاقيه .

المهم لو ما اشتغل وضلت معلقة معك الشغلة ..

اعمل ترجيع للنظام .. سيستم ريستور.. لنقطة كانت يومها التطبيقات الالعاب شغالة .
طبعا السيستم ريستور من ستارت وبالبحث اكتب :
system restore

وتابع معه لبين ما تعمل ..

جرب ..

لو ما زبطت ..
راح يبقى قدامك حل ..

بتجيب سي دي نسخة ويندوز سيفن .. اي سي دي دي في دي متوفر ..
المهم حط اقلاع الجهاز من السي دي ودخل السي دي اثناء تشغيل الجهاز .

راح يشتغل اقلاع الويندوز ..
المهم تابعه معه لبين ما توصل لشاشة فيها Repair Your Computer ..
بتضغط عليها هي بتكون مكتوبة بخط صغير .. ولما تضغط عليها راح يظهر لك شاشة صغيرة فيها ببحث عن اصدار نسخة ويندوز مثبتة مسبقا وراح يلاقيلك نسختك .
اضغط start

راح يظهر لك قائمة بخيارات الاصلاج .
جرب الاخيارات كلها طبعا بعد كل خيار الاغلب يعمل ريستارت .

وبعد كل هالعملية جرب ..

لو ما زبطت ..
راح تضطر تعمل ربير (اصلاح) للويندوز كامل عن طريق Upgrade . ولازم يكون متوفر بالسي مكان كافي للتنزيل + الاصلاح .

رد لي خبر شو بصير معك

اجمل تحية .

[محمد ابوزيد]

رائد جربت اول 3 طرق وما فادة للاسف (هسا بنسبه لباقي الطرق ما بتاثر على النسخه يعني بضلها النسخه الاصليه على الجهاز لانو بصراحه ما بدي النسخه الاصليه تروح عن الجهاز اهم اشي)

[Raed Saadeh]

رائد جربت اول 3 طرق وما فادة للاسف (هسا بنسبه لباقي الطرق ما بتاثر على النسخه يعني بضلها النسخه الاصليه على الجهاز لانو بصراحه ما بدي النسخه الاصليه تروح عن الجهاز اهم اشي)

مهو انا مشان هيك ما شرحتهم بشكل وافي .. ولا بصور ..
لانه بصراحة ما راح تضلها الاصلية والملفات الرئيسية راح تتغير من النسخة القديمة للجديدة ..
بس حبي لو بدك تضلها اصلية وما انحلت معك بطرق غير الاصلاح . ما قدامك حل الا تشتري دي في دي النسخة الاصلية وهو غالي شوي عنا بالاردن بس وقتها بتكسبها انك كل ما تفرمت بتضلك مرتاح انك بتنزل نسخة اصلية .

بس اسمع ..
لو المشكلة بس بالعاب الويندوز متل الشدة والشطرنج والشلة تبعتها اللي بتجي مع ويندوز سيفن برسوم ودقة عالية , ممكن نجددهم من اي سي دي لويندوز سيفن وبدون تاثير على نوع النسخة من اصلية لغير اصلية ..

جرب من سي دي ويندوز سيفن تبحث عن اسماء الالعاب متل ما هي موجودة بمجلد الويندوز بمجلد system32 وانسخ من السي دي ملفات الالعاب فقط وضعها بالسيستم 32 تبع الويندوز تبعك وجرب شوف بضلو الخطأ ولا لأ..


على العموم راح احاول افكر لك بحلول اخرى .. حاول تبعد عن الفورمات مؤقتا ..

[محمد ابوزيد]

مشكور رائد غلبتك حبي

[محمد ابوزيد]

رائد هي صوره من الجهاز بدي اغلبك اتاكدلي ازا هاي النسخه اصليه

[محمد ابوزيد]

رائد غلبتك انا بس بدي اياك تعطيها نظره للصوره اللي نزلتها ازا بتعرفلي ازا النسخه اصليه او لا

[Raed Saadeh]

تمت ازالة الصورة
معلم الويندوز اصلي ..
ولا ترفع صور متل هاي لأنها خاصة بجهازك وما لازم حد يشوفها .
المهم ويندوز تبعك اصلي وبحاول اشوفلك حلول لكن امهلني بعض الوقت لاني مش فااااااضي احك راسي لولا المنتدى غالي علي ما بدخله والله .. بس المنتدى واللي فيه غاليين

[محمد ابوزيد]

اوك يا غالي وصل