المساعد الشخصي الرقمي

مشاهدة النسخة كاملة : كيف بتعرف الأردني من بين سكان هالعالم؟



raed haddad
23-05-2011, 09:27 PM
* كيف بتعرف الأردني من بين سكان هالعالم؟
1) بيفهم في الطب وبيشخص المرض وبيوصفلك الدوا وبيفهم في النقاش والكهربا وتصليح السيارات والطبخ والسياسة
والقانون و الواجب و الدين و الحسابات والطابة وهو أبيض ياورد جوري.
2) بيحط الريموت كونترول في كيس نايلون حتى ما يتغبر ولا يضيع.
3) بيوقف يتكلم على الباب نص ساعة بعد إنتهاء الزيارة والسلام.
4) في خزانة المطبخ عنده عشرين قطرميز مربى فاضي منشان اذا احتاج يستخدمها ومازال مُصِر على جمع المزيد.
5) ييجي بعد الموعد بساعة وربع دون ان يعتذر، تقيل يا عمي 
6) يتكلم بصوت عالي في المكالمة الدولية منشان التاني يسمعه.
7) بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.
8) بيحتفظ بأكياس محلات اللبس والأحذية وورق الهدايا تحت فرشة التخت لسنوات.
9) عنده صينية مكسرات مقسمة لتلات او أربع أقسام منشان المزاج لكن لا يستخدمها ابدا.
10) بيشتري قبل الإفطار في رمضان مواد استهلاكية متوفرة عنده في البيت.
11) عنده منقل شوي للرحلات يستخدمه مرة واحدة كل عيد.
12) بيشيل طابع البريد من على الظرف لو الختم ما كان مبين عليه.
13) بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا.
14) إذا طلع يتعشا برّا بيكون مشغول طول العشا بقيمة البقشيش .. ياترى 25 أما 50؟
15) بيتخانق وبتنخون ساعة دفع الحساب بحرارة شديدة على إنه هو اللي لازم يدفع.
16) بيفرش شرشف التخت على طقم الكنب منشان الكنب ما يتوسخ، ولما يجوا الضيوف يترك الشرشف وما بشيله.
17) اذا ركب تكسي طول الطريق عيونو عالعداد.
18) وين ما راح، بترحل الابتسامة ولا تغادر وجهه بالسراء والضراء ولكن لماذا يا ترى؟
19) دائما يعيش ضمن الحلم ولا يقبل بان يخرج مما يحلم.
20) اكثر واحد عنده كرامه في العالم.

jordan love
23-05-2011, 09:31 PM
الف شكر اخي على المشاركة ذكرتني اخي الكريم بمقولة جلالة سيدنا ابو عبدالله رحمه الله عليه عندما قال



سيتمني كل عربي ان يكون اردني

وكان التوقع في محله وخصوصا ما حصل موخرا بترحيب دول الخليج بدخول الاردن في المنظومه الخليجيه سبحان الله

الان هم يحتاجونا

raed haddad
23-05-2011, 09:34 PM
الف شكر اخي على المشاركة ذكرتني اخي الكريم بمقولة جلالة سيدنا ابو عبدالله رحمه الله عليه عندما قال

سيتمني كل عربي ان يكون اردني
وكان التوقع في محله وخصوصا ما حصل موخرا بترحيب دول الخليج بدخول الاردن في المنظومه الخليجيه سبحان الله
الان هم يحتاجونا


شكرا على المرور يا غالي

Raed Saadeh
23-05-2011, 09:38 PM
رائد خبرة هههههههههههه
يعني مو اجيك زيارة توقفلي نص ساعة عالباب بعد انتهاء الزيارة اوووعك بحرم اجي .. ههههههه
على راسي والله ابو الرؤد تسلم يا غالي ضحكتني من قلبي والله

zozoo
24-05-2011, 08:13 PM
هههههههههه احلى وحده اخر وحده.........يسلمو يديك