المساعد الشخصي الرقمي

مشاهدة النسخة كاملة : أغراب ياذيك القلوب أعراب



رافت ابو سيف
20-02-2011, 09:31 AM
أغراب يا ذيك القلوب أغراب

أغراب وكيف أفترقنا ما درينا



أنا وأنتي ما حسبنا للفراق حساب

أثر الفراق بدربنا ينتظرنا ويحترينا



حب سكن بين الضلوع وعاش بالاهداب

واليوم أصبح ماضي ليتنا بهوانا ما ابتدينا



تسهر الناس بافراح وليلها مابه عتاب

وحنا ليلنا شقا منا ومنه شقينا



ألا يادنيا ليه بختنا والحظ مجناب

ليه السعاده كنها حرمه علينا



كل ما قلنا الفرج جا وانفتح لنا باب

نلقى دروب الجراح تنادينا وتنتخينا



ليتنا نرجع أطفال وندرس باسم ورباب

ليتنا ما كبرنا وما ضاعت رجاوينا



علقم طعم هالليل آهات وعذاب

أوله نوح وتاليه ظلام كنا عمينا



باكر نموت ويهيلوا علينا رمل تراب

لا حبيب ولا قريب ذاك الوقت يواسينا



ما غير رب رحيم يغفر لكل من تاب

قادر يعوضنا ويحقق كل أمانينا



صدق كلام المثل صدق وكله صواب

رضينا بالهم والهم ما رضي فينا




للشاعر : رافت ابوسيف