المساعد الشخصي الرقمي

مشاهدة النسخة كاملة : الأعراس العربيه



sopranos
13-02-2011, 11:42 PM
أعراس الأردنيين :

خمسين طاولة ... كل طاولة عليها خمس رجال ... مجتمعين المنسف والذبيحة قدامهم ...> > >
واوعى تفكر تبدللهم المنسف ب بوفيه مفتوح اي و الله بفتحوا طاقة براس اللي خلفوك
..... غير الطخ الشغال عن ابو جنب ... يعني ما بهدى بالهم الا بس يذبحولهم حدا ..
عشان بعد العرس ما يمللوا .... يعني بصير في عطوه او جاهه او اشي ياكلولهم فيه لقمة منسف ثانية


أعراس الفلسطينية :

طبعا لازم قاعة ... مش مهم في فندق في نادي في الشارع المهم قاعة ... وطبعا ببدأ العرس بس نسوان ... وكل البنات لابسات أحمر ... وخمسين أم بتلف على الطاولات بتدور على عروس لابنها ...

والعروس الله لا يورجيك شو عامل فيها الصالون ... شوي بتقلب مهرج ....
وفجأة بدخل العريس وأبوه وأخوانه واولاد عمه واولاد خاله وكم من واحد من اصحابه الصيع ... وكلهم ضاربين بدل الشغل ... وهات اللي يطلعهم لآخر العرس.



أعراس السورية :

العرس صغير ... على الأكثر 100 شخص ... وطبعا كل العرس شباب وصبايا كيفك ...

والبنتين الوحيدات اللي برقصوا في العرس صاحبات العريس
... البوفيه عالقد ... ولازم سيارة الزفة بي ام ... ومن أول العرس لآخره دبكة علوش ...



أعراس اللبنانية :
ألف بنت وخمسين شاب ..... ونص الشباب سكرانه ... والمسترة لابسه ميني سكيرت وحفر ... الشباب بدل من دون ربطة ... والقميص مفتوح وسلسال ذهب ..... والعروس أكتر وحدة بترقص في العرس... العريس برقص مع صاحبته
... والعروس مع أخوه
... وإم العروس مع خاله ... والحياة حلوة ...



أعراس الإماراتيين :

عرس الرجال مثل العزا في الأردن بس الفرق انه في واحد لابس بشت مستعيره من ربعه

... وطبعا الكل صايم يومين حق العشا .. عرس الحريم شبيه الحفلات التنكرية اللي نشوفها في التلفزيون ... وطبعا لو مطرت عليهم بتحصل الأرض كلها ألوان الطيف ....

أعراس السعوديين :
خيمة كبييييييييييييرة
فيها ألف واحد لابسين بشت
وكل واحد شايل سيف وبفكر حالو
نمر بن عدوان

ابراهيم النعيمات
14-02-2011, 04:29 AM
مشكور اخي الكريم
ههههههههههه
رائع

Raed Saadeh
14-02-2011, 08:45 AM
هههههههه
يسلموووووو

sopranos
14-02-2011, 03:34 PM
مشكورين على المرور الجميل

الفراشة الطيبة
15-02-2011, 02:27 PM
هههههههههههههه
والله ليش الحكي زي اعراس الاردنييين ما في
والحياة حلوة ...

sopranos
15-02-2011, 04:03 PM
هههههههههههههه
والله ليش الحكي زي اعراس الاردنييين ما في
والحياة حلوة ...

فعلا ليش الحكي احنا وضعنا لووووووز
ههههههههههه
مشكوره على المرور