Raed Saadeh
12-12-2010, 10:37 AM
مرحبا يا حلوين
كيف الحال؟
بما أني قبل نص ساعة لسه مروح من الكلية .. بعد ما بلشنا امتحانات تجريبية .. ( ادعولي اجيب اللي ببالي )
المهم كان اليوم اول امتحان وصارت معي نهفة خليني اقوللكم اياها..
هاد يا بني آدمين .. اليوم كان علي امتحان ثقافة عامة .. وتجريبي... والقاعات مرتبة وكل شي تمام..اليوم داومت ما رحت بالزي الرسمي .. رحت بالجينز..وطبعا هاد ممنوع .. بس كنا ببالنا مفكرين ما راح يدققو .. عشان توجيهي احنا وعشان امتحانات..اما عالصف الاول ثانوي بيدققوا كتير..
ف يا معلمين دخلنا عالقاعة.. قعدنا نص ساعة فراغ والنص ساعة التانية لسه بيجهزو في الاوراق كانوا.. رحت قلت لصاحبي يلا ننزل نفطر ونشرب شاي لبين ما يجهزو..وبنرجع خلال 20 دقيقة.قالي ماشي..
انزلنا على الساحة وبدنا نطلع برا المدرسة..طبعا لا معنا شناطي ولا شي..جاكيتات لابسين والقلم معنا وبس..
واحنا نازلين شافنا استاذ الفيزيا .. طبعا هو مشرف المبنى تبعنا اللي بنداوم فيه..
نادى علي انا وصاحبي.. << ومش حافظ اسمي هو .. نادى .. يا ولاا .. انت وياه تعالو هون..
رحنا
قرب علينا..جحر بصاحبي.. وجحر فية..ولا بيقولنا وين رايحين يا كلاب..
خليت حالي سوبرمان وقلتله.. هاد محمد بدو يفطر قلت اروح معه بنفطر وبنيجي عالسريع.. >> اللوم وديته لمحمد صاحبي ههه
المهم بيقولنا روحو عالصف واذا اجيت وما لقيتكم بتشوفو شي مو منيح.. المهم.. ما كان منتبه اني مش لابس الزي الرسمي.. رحنا سهيناه وطلعنا افطرنا ورجعنا زي الطلقة..طبعا الساعة كانت 8:40 والامتحان عال 9:00
بعد ما رجعنا قعدنا 5 دقايق ولا همي بوزعو ورق الامتحان..ويااا معلم..
طلع امتحان من الآخر..طويل اطول من يوم الجمعة واشي مش طبيعي..المهم 5 دقايق كنت ساف اول ورقتين..وضلت الاخيرة .. ضع دائرة كلها..
ولا فايت استاذ الفيزيا..بيفتش عاللي لابسين جينز..
وصل لعندي..شافني مش لابس زي.. قعد يمكن 15 دقيقة مبحلق فية..ومعصصصصب وما حكى ولا حرف..بس ضلو يتطلع..
انا ضحكت وخليت حالي مش شايفو لأنه وراي امتحان بدي اكملو..
ولا رجعت اتطلعت فيه .. ابتسم ابتسامة صغيرة يا دوب بينت..وبقولي... مسكر علامة الفيزيا .. وبتحضر الاضافي..واليوم لابسلي جينز..ورحت افطرت بعد ما قلتلك تروحش..واجيت تقدم امتحان بالجينز..وتلفونك معك..ولابسلي سيفتي..والطاقية بالصف لابسها..شوف كم مخالفة .. شو اعمل فيك ؟
قلتله .. استاذ اعمل قهوة واعزمني..
الطلاب فرطو ضحك بنص الامتحان.الاستاذ ضحك ولا بقولي..بتخفف دم كمان ؟ قلتله لا استاذ بس وراي امتحان وبحاول اكمله.. ولا هو بيقولي ارجعلي بعد الامتحان
خلصت الامتحان بدل ربع ساعة بساعة ..من وراه ..بس خلصته وضليت ساحب حالي وووووووووووووووووووووي عالدار.. الله يسترها بكرا ..
شو رايكم؟
اوريه وجهي بكرا ولا لأ؟ واذا اجا عالصف شو اعمل؟ اعزمو انا على كاسة قهوة ؟هو مدمن قهوة.. هع هع
تحياتي.. طولت عليكم مو ؟ بس وضعي مفرفش هلأ.. شو اعمللكم هه:d
كيف الحال؟
بما أني قبل نص ساعة لسه مروح من الكلية .. بعد ما بلشنا امتحانات تجريبية .. ( ادعولي اجيب اللي ببالي )
المهم كان اليوم اول امتحان وصارت معي نهفة خليني اقوللكم اياها..
هاد يا بني آدمين .. اليوم كان علي امتحان ثقافة عامة .. وتجريبي... والقاعات مرتبة وكل شي تمام..اليوم داومت ما رحت بالزي الرسمي .. رحت بالجينز..وطبعا هاد ممنوع .. بس كنا ببالنا مفكرين ما راح يدققو .. عشان توجيهي احنا وعشان امتحانات..اما عالصف الاول ثانوي بيدققوا كتير..
ف يا معلمين دخلنا عالقاعة.. قعدنا نص ساعة فراغ والنص ساعة التانية لسه بيجهزو في الاوراق كانوا.. رحت قلت لصاحبي يلا ننزل نفطر ونشرب شاي لبين ما يجهزو..وبنرجع خلال 20 دقيقة.قالي ماشي..
انزلنا على الساحة وبدنا نطلع برا المدرسة..طبعا لا معنا شناطي ولا شي..جاكيتات لابسين والقلم معنا وبس..
واحنا نازلين شافنا استاذ الفيزيا .. طبعا هو مشرف المبنى تبعنا اللي بنداوم فيه..
نادى علي انا وصاحبي.. << ومش حافظ اسمي هو .. نادى .. يا ولاا .. انت وياه تعالو هون..
رحنا
قرب علينا..جحر بصاحبي.. وجحر فية..ولا بيقولنا وين رايحين يا كلاب..
خليت حالي سوبرمان وقلتله.. هاد محمد بدو يفطر قلت اروح معه بنفطر وبنيجي عالسريع.. >> اللوم وديته لمحمد صاحبي ههه
المهم بيقولنا روحو عالصف واذا اجيت وما لقيتكم بتشوفو شي مو منيح.. المهم.. ما كان منتبه اني مش لابس الزي الرسمي.. رحنا سهيناه وطلعنا افطرنا ورجعنا زي الطلقة..طبعا الساعة كانت 8:40 والامتحان عال 9:00
بعد ما رجعنا قعدنا 5 دقايق ولا همي بوزعو ورق الامتحان..ويااا معلم..
طلع امتحان من الآخر..طويل اطول من يوم الجمعة واشي مش طبيعي..المهم 5 دقايق كنت ساف اول ورقتين..وضلت الاخيرة .. ضع دائرة كلها..
ولا فايت استاذ الفيزيا..بيفتش عاللي لابسين جينز..
وصل لعندي..شافني مش لابس زي.. قعد يمكن 15 دقيقة مبحلق فية..ومعصصصصب وما حكى ولا حرف..بس ضلو يتطلع..
انا ضحكت وخليت حالي مش شايفو لأنه وراي امتحان بدي اكملو..
ولا رجعت اتطلعت فيه .. ابتسم ابتسامة صغيرة يا دوب بينت..وبقولي... مسكر علامة الفيزيا .. وبتحضر الاضافي..واليوم لابسلي جينز..ورحت افطرت بعد ما قلتلك تروحش..واجيت تقدم امتحان بالجينز..وتلفونك معك..ولابسلي سيفتي..والطاقية بالصف لابسها..شوف كم مخالفة .. شو اعمل فيك ؟
قلتله .. استاذ اعمل قهوة واعزمني..
الطلاب فرطو ضحك بنص الامتحان.الاستاذ ضحك ولا بقولي..بتخفف دم كمان ؟ قلتله لا استاذ بس وراي امتحان وبحاول اكمله.. ولا هو بيقولي ارجعلي بعد الامتحان
خلصت الامتحان بدل ربع ساعة بساعة ..من وراه ..بس خلصته وضليت ساحب حالي وووووووووووووووووووووي عالدار.. الله يسترها بكرا ..
شو رايكم؟
اوريه وجهي بكرا ولا لأ؟ واذا اجا عالصف شو اعمل؟ اعزمو انا على كاسة قهوة ؟هو مدمن قهوة.. هع هع
تحياتي.. طولت عليكم مو ؟ بس وضعي مفرفش هلأ.. شو اعمللكم هه:d