المساعد الشخصي الرقمي

مشاهدة النسخة كاملة : الشوق ماله عمر ....



محمد الصمادي
10-10-2010, 06:03 AM
الشوق ماله عمر , يفنى وينعاد
له في الضلوع أن عاد وأن غاب رجفه






مع كل فرقا , له ورى الجفن ميلاد
وأن ماتت الفرقا لقى الشوق حتفه






جيت أقتل الفرقا من بلاد لــ بلاد
ملّ الطريق يشيلني فوق كتفه






وأنا بعد مليت من كثر ما أرتاد
هالشارع اللي كان لك فيه شرفه






تظمأ عيوني شوفك , وتشبع سهاد
عيّا الزمن يقطع ظماها بــ رشفه







لاوجهك أسقاها , ولا ذاقت رقاد
ماغير طيفك , طيفك اللي أعرفه






كنّه ظبي , وعيوني ظلال صيـاد
يجفل قبل يرتد للجفن طرفه






مشكلته أنه كل ما أشتقت يزداد
حتى ملا جدران وقتي وسقفه






وأصبحت أشوفه فــ أول الغيم لاجاد
وفــ أقصى الشفق لاطاحت الشمس خلفه






وفـي الأرض لانامت عقب صوت رعاد




وفي كل شباك ٍ صحت منه درفه






أتعبت طيفك لوم , واللوم مافاد
ويوم الأمل في شوفتك مات نصفه






نويت أسافر عنك بجروح ٍ جداد
وعمر ٍ من أوراق الزمن حان قطفه






نويت , لكن جابني الشوق منقاد
وجابك حنينك , والزمن سال عطفه






شفتك تبــسّـم لي خجل مدري عناد
وفي نظرتك شوق ٍ من الظلم وصفه






حسيت كني طفل , وعيونك أعياد
ياعيدي اللي له ورى الصدر رجفه






سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه

حاتم العموش
10-10-2010, 11:25 PM
بالتوفيق يا صمادي للأمام ........

mody sat
12-10-2010, 03:12 PM
خليني اكحل عيوني بشوفك
لا صار ماعقب المفارق تلاقي

وابحر بزينك وتأمل وصوفك

مادام باقيلي من الوقت باقي
اطلالتك..بسّمتك..هيبة وقوفك

عزت غلاك..وشوفتك..واعتناقي
همسك( ضحى) والورد نبته كفوفك

عطرك (مسا) والليل غيث السواقي
شعري يسولفبك..وحرفي يحوفك
مشاعري ضاقت والاحساس ضاقي
انت حكايه..رتبتها حروفك

وانا قلمها واكتبك باحتراقي
جو امس بالذكرى.. نسى لايطوفك
خذاك هقوه قبل لا اكون هاقي

ياشمس عمري ماقويت لكسوفك

دنيا..بدون اطلالتك ماتطاقي

اشتاقلك..وانتي..عيوني..تشوفك

وشلون لاغبتي..يصير اشتياقي