المساعد الشخصي الرقمي

مشاهدة النسخة كاملة : والله أحبك عسى ربي يصبرني...



عدنان الزغير
02-09-2010, 03:02 AM
الله يسامح غيابك كيف دمرني
والله يسامحك قبل يسامح غيابك


ياما على ديرتك هالحب يأمرني
لو أن دربي صعيب يهون لحسابك


ماني بلاقيك بس الشوق سيرني
أجيك ساري الين أوقف على بابك


لوشفت شوقي قسم بالله تعذرني
والله غيابك لعب بالحيل فــ أحبابك


جبرك ظرفك تخليني وتهجرني
وإلا أنت خوفك علي حتى من أقرابك


لك ذكرياتٍ عليها الشوق يجبرني
في كل ذكرى تمر أموت وأحيابك


غايب وأشوفك تجي يمي وتسهرني
أتخيلك وأبتسم وأحضنك وشقابك


أقعد أسولف وأقول البعد بعثرني
محتاج لك والله اللى برحمته جابك


أقراء رسايلك في غيابك وتقهرني
فيها الحزن والفرح والشوق وعتابك


أول رساله وصلتني منك تشكرني
على أهتمامٍ لمسته زود إعجابك


في وقتها فرحتي بالحيل تغمرني
نسيت حزني وهمٍ راح بـأسبابك


وأخر رساله بظرف البعد تخبرني
تحلف لي أن الدمع ما فارق أهدابك


تقول عذراً على الفرقى وقدرني
والله يهنيك في دنياك وأصحابك


كانت رسالتك فيها اللي يدمرني
أدري بأن الجرح ما كان في حسابك


جيت أتصل بك وخفت الدمع يكسرني
ما أبي تشيل الحزن يكفيك ماصابك


أكتب لك وساعة الفرقى تحاصرني
من سرعها زحمة الأفكار تتشابك


والله أحبك عسى ربي يصبرني
ومهما تسافر بكون أقرب من ثيابك


هذي أمانه معك بالخير تذكرني
يمكن بعدها تموت ولا أعرف ترابك


بعيش عمري لحالي وأنت خابرني
ياما كتبت أوعدك ماأنساك في كتابك


وينك . علامك . رحلت ولا تناظرني
من عقب شوفك وشرح الحال بغيابك


أثره خياله خذاني بعيد وسهرني
نفس الشكل والملامح والوعد حابك


الله يسامح غرامه كيف دمرني
ناظر ياقلبي حبيبك ويش سوابك

ابو حاتم-
02-09-2010, 03:03 AM
كلامات جميلة مشكوووووووووور

أبو جواد.
02-09-2010, 09:39 AM
مشكورررررررر