المساعد الشخصي الرقمي

مشاهدة النسخة كاملة : كنت اقول البحر ماينشد عن هموم السفينه !



محمد الصمادي
29-04-2010, 02:40 PM
و... آتنفّس رغم هذا الضيق في صدر المدينة ..!
وآتبسّم حتى لو مابه ..... عصافير وأغاني !



وانتي أنتي .. مثل ماأنتي ..ولكنّك حزينة !
تربكين الدمع ويل الدمع من ضيق المحاني !



صح أنا مااخترت اكون إنسان يمكن تعشقينه !
بس انا ماخترت أكون إلا معاك انسان ثاني !



كنت اقول البحر ماينشد عن هموم السفينه !
صرت أقول اللحين دلوني على وجه المواني !



آه .. واللي خالق ٍ بي صوت يصعب تسمعينه !
ماقطفتك ( لحظة ٍ حلوة ) من أغصان الثواني !



أشبه احساسي ولاأشبه هذاك اللي ... تبينه !
شاعر ٍ من ضعت عندك ضاع يوم إنه لقاني !



أشبه اللي مرّ في صدري وانا مدري حنينه
مثل هذا الفرح ..... هذا الجرح لامنّه بكاني !



أنسكب لك شي مثل المي ! يمكن تشربينه !
وارتوي بك شعر.. مثل الشعر لامنّه .. دعاني !



مثل هذا الحزن هذا الحزن لامرّ بـ سكينه !
مثل هذا النور مثل شعور من يدّي .. خذاني !



مثل هذا اللي يدوّر في يدينك .. عن يدينه !
مثل هذا اللي يمرّ اللحين كل اللي .. قراني !!



مثل هذا اللي يحث خطاه ماتلحق .. سنينه !
مثل هذا اللي تشوفي كيف لو شفتيه جاني !؟



شاعرك لو ماتنفّس ضاق به صدر المدينة
شاعرك لو ماتبسّم .... كان مارفّت أغاني !



أفتحي قلبك وشوفي وش ورى دمعات عينه
يمكن تحسيّن باللي ماقوى ... ينطق لساني !



لايمر ّ الحزن مثل اللي يمرّ .. وفي يمينه !
قلب ماتنبض سنينه مثل .. نبضات الأماني !



من يقول الصبح هذا صبح ! واشياءه حزينه !
من يقول الناس مثل الناس ماحس ّ بحناني !



الحزن ماهو مثل ماشعر واحسّك .. تشعرينه !
الحزن لاجيت ادور لك وانا اجهل مكاني !

raad
29-04-2010, 03:03 PM
كلام يثلج الصدر
الواحد بعد قرأه هالشعر ، تغير مزاجة ..
محمد ، لا يسعني الا ان اشكرك ..

محمد الصمادي
29-04-2010, 03:35 PM
اخي رعد اشكر لك حسن المرور ورايح
اضع قصيدة قوية في حال اتمامها من قبل
احد الاصدقاء لعيونك اخي رعد الغالي

أردنيه دلوعه
29-04-2010, 04:03 PM
أفتحي قلبك وشوفي وش ورى دمعات عينه
يمكن تحسيّن باللي ماقوى ... ينطق لساني !


كلام معبّر ومؤثر
ويحركـ المشاااعر
مشــــكور اخ محمد

raad
29-04-2010, 04:17 PM
اخي رعد اشكر لك حسن المرور ورايح
اضع قصيدة قوية في حال اتمامها من قبل
احد الاصدقاء لعيونك اخي رعد الغالي
تسلم عيونك يا غالي ..

ALTAYEB
29-04-2010, 04:24 PM
دائما تأتينا بما يشرح الصدر
مشكور يا غالي

آحمےد آلوحےيدي,
29-04-2010, 10:11 PM
((كنت اقول البحر ماينشد عن هموم السفينه
صرت أقول اللحين دلوني على وجه المواني))
أبـــدعــت أإخ مـــحمد
http://shup.com/Shup/266325/httpwww.rr1kk.comupuploads1b2c 47bc8c.gif.gif