المساعد الشخصي الرقمي

مشاهدة النسخة كاملة : اهداء الى مدير المنتدى وكل الاعضاء



محمد الصمادي
03-04-2010, 10:21 AM
يا من تشاورنـي وبيّنـت خافيـك
ان قلتلك كلمة صحيـح احتملهـا


لاطالني مـرك ولاذقـت حاليـك
خوّة صدف وقتك جديـراً بأجلهـا


ومن واجب الخوه ابـرك واداريـك
واضغط على نفسي واخفي زعلهـا


ولابد ما تقفـي وغيـري يخاويـك
ويبين لـك نجاحهـا مـن فشلهـا


من خبرتي تـوّك تجـرب مساعيـك
وجديدها ما يخبـرك عـن سملهـا


اصبـر ودورات الليالـي توريـك
وتاخـذ عبـر بحداثهـا وتعقلهـا


لكن انا بعطيـك نبـذه ووصيـك
والباقيـات الله بغيـبـه كفلـهـا


من واقعـك لاتبنـي الا مباديـك
اللـي يجنبـك النفـوس وجهلهـا


ومن الخيال ابـن المدايـن بياديـك
وبعـد البنـا هـد المدايـن بهلهـا


وارفع مقامك لايجي فيك تشكيـك
ثقتـك فـي نفسـك يقلـل زللها


واحذر تجامل واحـدٍ مـا يدانيـك
لوحاجتك دونـه ضعيـفٍ أملهـا


ترى الدسائس بالعمل مـا تعليـك
اختر جـزال سمانهـا عـن هزلهـا


عملك بعيـون الرجاجيـل يحييـك
وان كلفوك بكلمـة الحـق قلهـا


ولاتلتفت للي مضى مـن لياليـك
ما فات مات وقولتـك لـو زلهـا


اللي يفوتك فات غيـرك وقافيـك
امـور وان فاتـتـك دوّر بدلـهـا


وخل الطمع دايم عـدوّك وتنبيـك
دنياك عـن نـاسٍ طمعهـا خذلهـا


رزقك مسجل وانت في الرحم ويجيك
وارزاق غيرك ماتجـي غيـر اهلهـا


كل الامـور مثبتـه عنـد واليـك
وروس القمم ما خلدت من وصلهـا


دنياك لوتضحك بوجهـك تبكيـك
والنفس ماتدري متى وقـت اجلهـا


انصحك لاتركض وراهـا وتغريـك
هـذا رحـل عنهـا وهـذا نزلهـا


اللي يمشي ركـب غيـرك يمشيـك
والباقيـات الصالحـات وعملـهـا

ALTAYEB
03-04-2010, 10:29 AM
الله عليك يا ابو اشرف وعلى الصبح كمان
سلمت يداك
واسعد الله صباحك

ghamdan
03-04-2010, 10:56 AM
سلمت يداك يا حكيم

ابو حاتم-
03-04-2010, 01:00 PM
كلمات رائعة يا شاعر المنتدي

omar-d
03-04-2010, 01:16 PM
واحذر تجامل واحـدٍ مـا يدانيـك

لوحاجتك دونـه ضعيـفٍ أملهـا




ترى الدسائس بالعمل مـا تعليـك

اختر جـزال سمانهـا عـن هزلهـا




عملك بعيـون الرجاجيـل يحييـك

وان كلفوك بكلمـة الحـق قلهـا



الله الله
أبيات أكثر من رائعه راقة لي جدا ً
سلمت الأنامل يا شاعر المنتدى

ابو الزووز
03-04-2010, 02:33 PM
شكرا لك هدية رائعة وجميلة جدا
مثل صاحبها

كاتبة الاوهام
03-04-2010, 02:41 PM
هديه في منتهى الروعه ... !!

يعطيك العاافيه يا رب ... !!

وسلمت يمنااااك .. !!

Boob Rock
03-04-2010, 02:45 PM
شيخ عم ابو اشرف من يوم يومك