المساعد الشخصي الرقمي

مشاهدة النسخة كاملة : كيف تصبح مواطن أردني



jordan love
27-03-2010, 01:25 AM
بداية وحتى تصبح مواطنا أردنيا يجب عليك إتقان الكشرة الأردنية

فهذا من أهم ما يميز الإنسان الأردني عن الإنسان العادي!

البوز الملوي … والحواجب المعقودة …. وإذا نظر إليك أحدهم فقل له بكل استعلاء:

(أبو الشباب ... ليش بتجح بخلقتي ... مضيع بوجهي شلن؟)
هكذا تكون قد قطعت شوطا كبيرا نحو الاردن

http://www.rumonline.net/assets/images/36183.jpg


تابعا للنقطة السابقة .... فلتسير على مبدأ

اللي بيطلع عليك بعين ... اطلع عليه بنص عين

يعني نظرة انقرافية بحته ...

أي بالكلمات الأردنية:

(كلك على بعضك مش شايفك)

http://www.rumonline.net/assets/attach/1/a7.jpg

تعلم فن التعصيب ... وأقل كلمه تطلع زيفك (عصبيتك)

عصب وصيح وبزق وانت بتحكي

على شرطي المرور .. على الكونترول ... على سايق التاكسي

المهم تتهاوش هوشه يوميه

وتحرق وراها بوكيت (باكيت) دخان

http://www.rumonline.net/assets/attach/1/a6.jpg

المواطن الأردني إنسان كالصخر

خارق للمنطق والعادة .... ولا يخضع لأي عمليات حسابيه







نضرب مثال..

المواطن الأردني العادي بدفع ايجار بيت 150 دينار(عمان الشرقيه)

كهرباء وميه حوالي 20 دينار

عنده سياره قسطها الشهري 100 دينار(سياره عواي)

وترخيص على بنزين على زيت تقريبا بالشهر 150

دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري

احكي 150 أكل وشرب

وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار

50 اله و 50 لحبيبته... ليش هي بتتنازل تشحن لحالها

(حبيت تحكي اشحنلي ما حبيت فيه غيرك كتييير)

صار المبلغ 650 تقريبا

وهو كل راتبه 250 دينار ....

كيف بت**ط معه ؟؟؟ الله اعلم !!!

http://www.rumonline.net/assets/attach/1/a5.jpg


حتى تصبح مواطن أردني يجب ان يكون

لديك او امتلكت في يوم ما

أو تحلم بأن تمتلك

احدى السيارات التاليه:

كيا سيفيا

هونداي اكسنت

زعرا (والمقصود BMW 320 )

نيسان سني (حصريا للتكاسي)

لف (والمقصود مرسيدس 200 موديل 82 وحتى 85)

او 180 (المقصود مرسيدس موديل الستينات) ... وانتا بتلفها براحتك


http://www.rumonline.net/assets/attach/1/a4.jpg

المواطن الاردني مواطن يحب المظاهر

يعني اذا لم يكن معك ولا قرش يجب أن تتعلم فن العرط

(العرط هو الكذب والإدعاء بأنك مليونير)

أي أن تجلس مع الشباب وتوهمم أنك ولدت

وفي فمك ملعقة ذهب

مع ان الواقع هي انك
ولدت وفي ثمك ملعقة خ** (كلمة مشفرة!!) بعيدن عنكو

يعني مارس فن التشبير وعلق الهامر على جنبك

وفضي بكيت الفيلادلفيا ببكيت مارلبورو




حتى تكون مواطن اردني

يجب أن يكون أحد أقربائك من مواليد الف وتسعميه وتنكه

له سن ذهب



حتى تكون مواطن اردني يجب أن يكون جدك

قد امتلك نصف الشميساني أو عبدون

في يوم من الايام .. وباعها بميتين ليره





حتى تكون مواطن اردني

عليك أن تكون دقرا .. تعلم المداقره

واحد دق عليك الباب احكيله مين ؟

بس يحكيلك انا فلان ..... قوله ع طول لا مش انت

المهم تداقر شوي على أي موضوع

حتى لو كنت عارف حالك غلطان


حتى تكون مواطن اردني

يجب أن يكون لك واسطه في كل دائرة حكومية

قرابه او نسب او صحبه

او ابن عم خالة جدها لمرة جار اخوك

المهم تمشي حالك ..









حتى تكون مواطن اردني

تعلم فن التقسيط ...

موبايل اقساط

سيارة اقساط

اثاث بيت اقساط

جرابات اقساط ...

لازم يصفي من راتبك كل شهر 13 ليره لانه الباقي اقساط!!!

وتعلم ان تجد كفيلا يكون (خروف)

(الكفيل الخروف: يعني كفيل أهبل يدغ عنك القساط التي تتهرب من دفعها)

علشان يخصمو عليه هو

ويخفف عليك شوي من اقساطك !!!









مبروك ... أنت أردني !!!

الاسطورة
27-03-2010, 01:48 AM
http://msa6el.jeeran.com/%D8%A7%D9%87%D9%84%D8%A7-%D9%88%D8%B3%D9%87%D9%84%D8%A7 .gif

raad
27-03-2010, 08:36 AM
ههههههه
مبروك ... انا اردني

ghamdan
27-03-2010, 08:50 AM
هههههههههه
يسلموا يا اغالى
شرف لنا ان نكون اردنيين
ولمن موضوع الكشرة والنكد بطلناة

Yousef Wedyan
27-03-2010, 08:54 AM
هههههههههههههههي
انا اردني
مشكوووووووور

princem01
30-03-2010, 02:25 PM
هاي طلعنا كلنا اردنية , شكلنا قرايب من نفس العلبة

حيالله قرايبي

هههههههههههههههه

مشكووووووووووور

ALTAYEB
30-03-2010, 05:23 PM
اكيد اردني 100/100