مطبخ هناء (مجرب)

[HENoO]

المسخن
على طريقة ماما
الله يحفظها يارب

ا

المقادير
كيلو ونص بصل احمر
زيت زيتون
سماق بلدي احمر
2 دجاجة مقطع
5 رغيف خبز طابون
صنوبر

الطريقة
يفرم البصل ناعما ويوضع ربع الكمية بطنجرة على النار ويوضع فوقة الدجاج المغسول وفنجان ماء على نار هادية امدة 35 دقيقة بعد الاستواء نضع 4ملاعق سماق وكوب زيت زيتون ويغلى 10 دقائق لحين ياخذ الدجاج صبغة السماق
****
في هذه الاثناء نضع الباقي من البصل في طنجرة تانية مع فنجان ماء ويغطى حتى الاستواء,ثم نضيف كوب من مرقة الدجاج ثم نضيف السماق (كمية السماق حتى يعطي البصل لون الاحمر والحموضة المناسبة)
ثم يترك يغلي 5 دقائق
ثم نضيف الزيت (الكمية يغطي البصل)ويترك يغلي كمان 5 د
*يدهن الخبز بالزيت اولا ثم نضيف البصل ويزين بالصنوبر ويوضع فوقة الدجاج بعد تحميرة...
يقدم مع اللبن او اللبن بالخيار

ملاحظة:السماق مالح ذوقي البصل قبل اضافة الملح.
لا تضيفي الزيت على البصل قبل السماق لان الزيت يمنع صبغ البصل بالسماق

وصحة وعافية من مطبخ هناء
من منتدى الرائع
منتدى الاردن اولا

[ابو سيف.]

تسلم ايدك أخت هناء على المسخن الرائع فهو أيضا من أزكى الأكلات لدي والله يخلي الوالده ويحفظها يا رب

[HENoO]

الله يحفظك ويبارك فيك اخي محمود
شكراا لمرورك
وبهمني كتير رأيك
تسلم يا زوووء

[أبو رأفت]

وأخيرررررررررررا أجا المسخن , ألف شكر أختي هناء , معناته اليوم غدانا مسخن .

[HENoO]

كيف المسخن اخي ابو رافت
زااااكي؟؟؟
بدنا رايك عشان تشجع الجميع يطبخها
شاكرة مرورك

[أبو رأفت]

10 دقائق وبيستوي المسخن , من الصبح حضرت كل اللوازم , وهيني بستنى , وبعد التجربه بعطيكي رأيي بصراحه .

[HENoO]

لازم البصل يضل ابيض وهو على النار هادية ما يتحمر ابدا.
وصلت المعلومة للجميع؟؟؟
وصحه وهنا

[mk سات]

الله يا رب يحفظلك الوالدة ويديمها
والله مسخن ولا اروع

[أبو رأفت]

الله الله يا هتاء رااااااااااااااااائع جدآ , يسلموا ايديكي وايدين الماما , وبدون مجامله زااااااااكي كثير , بس الله يستر لأني أكلت فوق طاقتي .

[كاتبة الاوهام]

يم يم .. صحتين للكل .. يلي اكل ويلي ما اكل يلي هو انا ههههههه (

بس من شكلو كتير زااكي ... يسلمو هنآء .. !!