مواقف واقعية حقيقية حصلت معي بايامي نهفات بالكمبيوتر والناس

**Raed Saadeh** · 30-10-2011 02:49 PM

مرحب شباب ..
كيف الحال ؟. . ..

باختصار .. الموضوع :
مواقف حقيقية حصلت معي مو هبل . طبعا نهفات كمبيوتر واحيانا احراج او شبه هبل

..
طبعا هدف الموضوع : اخذ العبرة + التعلم هههههههه

اول موقف :
اجا علي صاحبي مرة بده يفرمت جهازه . بسالني ازا فاضي او لأ.. قلت له هاته بسويه بالليل ..
المهم اجا بالليل وجاب الجهاز معه قلت له ارجع خده كمان ساعتين .. طبعا الفرمتة ما بتقعد ساعتين لكن كنت بدي انزله برامج وتعريفات وازبطه منيح عشان لا يرد يرجعلي بده برامج . المهم ..
رجع بعد ساعتين .. بقوله كله تمام لكن تعريف الطابعة تبعك ما اتعرف على الويندوز لازمها سي دي التعريف ما قدرت اعرفه من عندي .
ولا الشب بسالني .. لو ركبت الطابعة عالجهاز التاني بتتعرف ؟
!!!!!!!
طبعا جهاز تاني ليش يا بني ادم مدام بتتعرف ع اي جهاز لكن من التعريف ..

---------------------------------------
موقف تاني :
مرة واحد عده البيوس عليها باسورد . وبده يفرمت ومش قادر.. اتصل عليي بسالني عن المشكلة قلتله في مليون حل لها جيب الجهاز بكرا وبشوفلك اياه او اقرب زيارة قريبة منك برن عليك . المهم شفت الجهاز . اشتغل اشتغل بالاخير اشتغلت تمام وطلع الويندوز خربان . اجيت بدي افتحله الويندوز للفرمتة . ( يعني البوت تبع السي دي ) , المهم ولا هو بيتذكر وبقولي لآلآلآلآلآلآ استنا استنا بديش افرمت تقارير وبحوثات اختيو مشاريعها الجامعية كلهم على الديسكتوب . مستحيل احذفهم .
قلت له طيب ماشي حاولت اشتغل على الاصلاح . بس صار شوية اعطال خرب اليوزر الرئيسي للجهاز .
طبعا حاولت ادخل سيف مود . لكن طلعلي الادمن عليه باسورد . حاولت ادخل ما عرفت .
بقول للشاب هاد لازمه يوزر اضافي ما بقدر اعملها هلأ . لانه مش متوفر لا يوزر ولا اشي اشتغل عليه لازمني يكون فلاشتي معي وشغلات متل هاي .
ولا هو بقولي طب في محلات كمبيوتر قريبة من هون ما بنقدر نشتريه شرية ؟ هههههههههههههه

يعني بده يشتري يوزر شرية هههههه

طبعا ضغط رائد صار 5000000 / 300000000

--------------------------------------

موقف تالت :
طبعا هاد ما بضحك بس اتعلمو حتى الواحد ما يوقع :

مرة صاحب ابوي بايام عيد من الاعياد يمكن تالت يوم عيد او يوم رابع . برن عليي وبقولي رائد وين انتا . بقوله انا مع الشباب عند الكارفور . بقولي طيب متى بتروح . قلتله بدي ساعتين زمن . المهم بعد 3 ساعات رن علي و كانت الساعة 11 ونص 12 بالليل . كنت اغسل بشعراتي عشان انام . ولا هو بقولي رائد متى بدنا نشوفك قلتله وقت ما بدك فش وراي اشي ولا هو بقولي هلأ بقدر اشوفك ؟ قلتله نععععععععععععم لا بكرا . ليش شو في عمي ؟ ولا هو بيقولي يا زلمة الولاد صارلهم شهرين مجننيني بدهم كمبيوترو قبل 3 ايام شريتلهم كمبيوتر . واليوم ابصر شو عاملين فيه بطل يشتغل بدنا اياك تشوفه .

المهم اجا بكرا ..
رحت عليه

المهم من هون لهون من هون لهون الخلل طلع انو الكمبيوتر بده ويندوز .

قلت له انا ما معي اشي اشتغل فيه برجعلك بالليل بسويلك اياه بس لا حد يلعب فيه .
ولا هو بقولي ماشي الحال .

طبعا هاد الزلمة بيشتغل كهربائي للمنازل بيمد كهرباء للبنايات الجديدة . المهم روحت من هون وما فيش ساعة ولا هو ماكل راسي رن رن رن رن .. تلفوني رن 999999999999999 منه وكل مرة اقوله لا تخاف والله بسويه بس بالليل مو هلأ لاني مشغول شوي .
المهم قعد للساعة 5 العصر وهو يوكل راسي رن عالتلفون وهو انا بدي اسكر التلفون عشانه ؟
اخر مرة رن قلتله اسمع بما انك كهربجي راح تعرف تصلحه . بس بدك تدير بالك ماشي؟
قالي ماشي .
قلتله بتروح ع اي محل مواد بناء . وبتشتري مكثفات على عدد المكثفات على الماذربورد . قالي ليش ؟ قلتله الجهاز ضعيف ما راح يشتغل على الموجودات حاليا لاني راح انزل ويندوز حجم كبير . بقولي طيب ؟

قلتله بتروح بتشتري مكثفات . وركبهم بدل الموجودات عالماذربورد حاليا . لكن ملاحظة :
بدك تشتري نفس الاحجام على الماذربورد . الا الاحجام الكبيرة اكبر حجم عالماذربورد لا تغيره بنفس الحجم , غيره بحجم اصغر بدرجة .

المهم راح . وشرا .
ضلو من 5 العصر لحد 10 او 11 بالليل وهو فاك الماذربورد كلها وبيفك وبيركب . ههههههههههههههههههههههههه
بعد ما خلص رن علي قلتله خلص بكرا اول ما تكون بالبيت رن علي او اقولك . روح شغله شوفلي اياه شو بجيك هلأ؟
طبعا شغله
هههههههههههههههههه
الله لا يورجيكم شو صار بالكمبيوتر .
طبعا صارت شوية مشاكل بيننا ههههههههههههههههههههه بس عادي مشت
..

-------------------------------------------

**Raed Saadeh** · 30-10-2011 04:27 PM

هههههههه
ع راسي والله المرور ..
ههههههه

بس عادل يا ابن الحلال انت العاقل شو ابيعه يوزر يا زلمة قعدت شهر وانا اجمع حق يوزر حتى اعطيه اياه ؟ لا خليه يشتري يوزر جديد هههههههه
يوزر كمبيوتر بنشرا مهو من محلات النت واحيانا السوبرماكتات الكبيرة او المولات هع هع
الله بعين
صبركم لسه لو انتو اتشوفو كل اشي بحياتي بتموتو احيانا بكاء احيانا ضحك هههههههه