مقتطفات من الامثال الفلسطينية

**محمد الصمادي** · 07-04-2011 08:20 AM

إذا انت أمير و أنا أمير، مين بيسوك الحمير؟

عاشر المصلي بتصلي و عاشر المغني بتغني

بكره بنقعد عالحيطة وبنسمع الزيطة

لو كان الزلام (الرجال) بشواربهم لكان الصرصور ازلمهم

صار للشرشوحة مرجوحة و لأبو بريص قبقاب

الإبن الوسخ يجيب لأهله المسبه

اذا قالولها اطبخي بتقول مريضه ... بس اذا قالولها تعي قلي بتقول وين معلقتي العريضه

الطول طول النخله و العقل عقل سخله

اللي بدري بدري واللي ما بدري بيقول كف عدس

مجنون رمى حجر بالبير .. بدو 100 عاقل يطلعوه

كوم حجار ولا هالجار

ضللك ورا العيار لباب الدار

مين بشهد للعروس... إمها و خالتها و عشره من حارتها

ما حد بيقول عن زيته عكر

يوم الك ويوم عليك دير بالك فتح عينيك

سمره ونغشه، ولا بيضة ودفشة

الجوز رحمة ولو كان فحمة

عندك عيش وعندي عيش وفراغة العين ليش ؟

ريحة الإم بتلم

أخذتك شطر بطر يا سنسونة روحي ، جيت أكيد العدى كدت أنا روحي

إبنك على ما تربيه و جوزك على ما تعوديه

يا جاي بلا عزيمة يا قليل القيمة

ضحكة عنزة ع باب مسلخ *

طب الجرة ع ثمها بتطلع البنت لأمها

القرد بعين امو غزال

**نجيب ايوب** · 07-04-2011 12:55 PM

أخي الكريم محمد الصمادي
صح لســانك وصح بدنك على هذا الطرح الجميــل
شكرآ لك مع التقدير والإحترام
نجيب ايوب

**Raed Saadeh** · 07-04-2011 01:20 PM

اخوي محمد والله أمثالك نار اللي ما بعرفهم هلأ عرفتهم
بعدين حلوات كتير منهم بضحك ههه ..
يسلموووو يا وردة

الموضوع: مقتطفات من الامثال الفلسطينية