الا يا مرحبا بالصاحب
قصيدة أهديها إلى كل عازب لم يتزوج
ألا يا مرحبا بالصاحب اللي سرهم في بير= يبي يخفي همومه بس لي بانت باماريه
أشوف الشيب لاح ,وعمرك الغالي بلا تدبير= عس الله يحفظك من كل لفحات الشتاويه
تزوج يا رفقتي كود ربي يرزقك بصغير= وتجيك البكرة اللى كنها بالحسن حورية
أودك و أطلب المولى لكم يا صاحبي تكفير= تتوب وتطوي الماضي بدعوات سماوية
ترى جدك و أبوك وجد جدك كلهم في خير= مضوا في طاعة المولى على نجر وبرية
وحنا اليوم في وقت كثير الهم و التفكير= وغيرك ما يسرك لو تبي دين وعارية
توكل بالذي فوق الخلائق رازق الطير= وخل الهم ودروبه وجلسات خلاوية
توسد زندها تنسيك ماضي العمر و التكدير= وترجع لك شباب فات في وقت العزوبية
الشاعر / عبدالله بن عبدالرحمن الخنيفر
المفضلات